VOV4.Xơ Đăng - Hơnăm 2022, pakĭng tơdroăng ki tơdjâk ôh tá tơniăn dêi yă mâu kế tơmeăm tê tung kơchơ kong têa ê, xơpá ‘na yă to kơnâ tung tơnêi têa mê nếo troh tơdroăng pơkâ ‘mâi rơnêu yă dêi mâu tơdroăng tê mơdró tơdjuôm tiô tơdroăng pơkâ dêi kơchơ, mâu kế tơmeăm ki ai kơxô̆ liăn ‘no roê tâk, ôh tá tơniăn dêi yă têa châu têa kơxăng a kơchơ mơdró ƀă hên ki ê tơdroăng ki rơhêng vâ tối a Rôh hôp kơchơ mơdró, yă tê mâu kế tơmeăm a Việt Nam hơnăm 2021 ƀă tiô tối hdrối hơnăm 2022.

Hơnăm 2022, tơdroăng cheăng kâ Việt Nam châ tối tơbleăng kô ‘mâi mơnhông ƀă mơdêk rơdêi, kơlo tâk dêi tơdroăng pro mơhrê hơnăm 2022 ôh tá tô tuăn. Tiah mê, hlá mơéa má môi, hơnăm 2022, tơdroăng cheăng kâ kong têa ê tiô tối hdrối tâk hrá, tơdroăng cheăng kâ Việt Nam dêi pin tâk xuân hrá, dâng 6 troh 6,5% mê pro mơhrê dâng 2,8 troh 3,2%.

Tâng môi tiah tơdroăng chêh cho tơdroăng cheăng kâ kong têa ê ki hmâ tro tâ, tâk tro mê drêng mê ah cheăng kâ Việt Nam mơni kô mơdêk tro ƀă tâng môi tiah pin xuân ối pơtối xúa châ rôh ki tơ’lêi hlâu sap ing mâu tơdroăng tơkêa tê mơdró tơniăn krê mê pin mơni kô ai kơlo tâk dâng 7 troh 7,5% tung hơnăm 2022 ƀă tung tơdroăng ki mê pro mơhrê mơni kô sap ing 3,5 troh 3,8%.

Katarina Nga tơplôu ƀă tơbleăng