Mơ’nui rơnó tô, drêng kong pơxiâm vâ mêi, mơngế M’nông hmâ tơku\m po T^ng rơkâu pâ kong mêi. Vâi krâ tối dêi tâng ôh tá vâ pro, mâu Xeăng kô hôu, pro tơro tê, trâm hên tơdroăng xía vâ, mê thế bro T^ng rơkâu pâ kong mêi vâ khu Xeăng kum ăm mâu tơdroăng ki le\m.

Pôa pơchâu rơkâu xối Xeăng pa kong

Tơdroăng tơku\m po T^ng rơkâu pâ kong mêi apoăng rơnó pơxiâm [a\ rơkâu xối pleăng tung hngêi. Mâu tơmeăm mê cho: Môi to í hmong ối rêh, môi mơngeăn tơxông, péa mo\ng drôu, péa mơngeăn hơ’nêh chu, môi to ko chu, xâk í, 2 xiâm drôu ‘măn péa pâ kâng tung dế hngêi.

Drêng ai tu\m tơmeăm pleăng, pôa pơchâu tơku\m rơkâu pâ kong mêi apoăng rơnó. Pôa pơchâu pôe xo mơheăm í tơvât [a\ drôu, [a\ rơkâu xối: ‘’Ô Xeăng, hâi kố á krếo mâu Xeăng rơtế kâ hơ’nêh chu, rơtế ôu drôu xiâm, rơtế ngăn [a\ kum kuăn pơlê tung mo sêi têi ‘răng. Pâ khu Xeăng ăm kuăn cháu mo châ, ăm rơhé tung plôi pêng păm, hmê tung hdro pôi tá phong. Plâ hơnăm Xeăng ăm trâm tơdroăng ki le\m; ôh tá ăm ai kơbố kơklêa, báu pêng hnôu, alâi pêng tung hngêi…’’.

Pôa pơchâu rơkâu xối Xeăng tung hngêi

Hdrối rơkâu pâ khu Xeăng, pôa pơchâu rế xo xâk í ‘nhâm tung mo\ng drôu klêi mê pik a mâu tơmeăm môi tiah: trăng hngêi, tơkâ, drê, ‘nêk, péa hngêi pá rôu, kông, kơchôk…vâ pâ xeăng rak ivá ăm kuăn mơngế, ăm hngêi châ tơniăn, ví trâm xía vâ tung rêh ối pêi cheăng.

Klêi kơ’nâi rơkâu xối tung hngêi, rêm ngế tiô pôa pơchâu lo pakong, tíu ai tâp kâng vâ xối pakong. Khu to\n chêng tơgôu koăng rế  prôk tâ tá kâng, rế to\n chêng krếo Xeăng chu châ hlo tơdroăng po T^ng rơkâu xối pâ kong mêi apoăng rơnó. Pôa pơchâu xúa xâk í ‘nhâm tung  mo\ng drôu ai tơvât mơheăm í pik a kâng, rế rơkâu pâ khu Xeăng.

Khu to\n chêng tơgôu koăng tung tơdroăng ‘’mot t^ng’’, khu kơhnon xuâng tiô rơ-rêk, túa vâi krâ…Tung idrâp hơkâ, rơkong tơpui hâk dêi rêm ngế, rơtăm hếo a kâng hiăng châ pik rơmâ, vâ xo ‘’tơdroăng mơhúa’’ tung chêa ku\n. Ngế ki châ xo tơdroăng pon mơhúa ing chêa ku\n, kô xo hmê tung chêa xế lâp luô, rơtâ tá, pói vâ mâu í, chu…ai tơmeăm kâ, thăm rế ai hên, pơlê phâi tơtô.

Kơ’nâi mê, pôa pơchâu mot tung hngêi pơtối rơkâu xối, pâ mâu Xeăng ăm kong mêi tro tô ‘ló, pêi châ hên tơmeăm, báu prá alâi, loăng plâi kơtốu hên, pơlê rế hía rế kro mơdro\ng.

Mơgêi pro T^ng, rêm ngế rơtế ôu drôu xiâm, to\n chêng tơgôu koăng, hơdruê xuâng tiô tơdrá, rơ-rêk dêi hdroâng M’nông chal nếo, sôk ro tơdah mâu tơdroăng ki le\m, mơhúa tung rêh ối.

            Huệ rah chêh

A Sa Ly tơplôu [a\ tơbleăng