T^ng rơkâu xối xeăng kong cho môi tung t^ng ki kân dêi hdroâng Mạ. Hơnăm kố, vâi krâ-nho\ng o hiăng châ tơnêi têa kum tâi tâng kơxo# liăn vâ kuăn pơlê tơku\m po t^ng rơkâu xối. Tu\m tơdroăng pơrá châ pêi pro tro tiô khôi túa, vêa vong dêi hdroâng kuăn ngo, môi tiah: T^ng pâ phep, t^ng mơdâng kâng, t^ng chói báu [ă hên mâu t^ng ki ê. Tíu ki vâ po t^ng mê cho kơpong tung kong ilâng achê chêng xí têa Kroah dêi pơlê Bnăm Prăng Răh. Maluâ troăng mot tung kong ki vâ pro t^ng mê pá puât, athế dâi rơxế tu tuh vâ pơto tơmeăm hdroăng, xua mê, kuăn pơlê athế prôk lăm sap ing kơxo má, vâi krâ tung pơlê [ă mâu kơpong ki achê xuân ai mâ tu\m amê vâ veăng rơkâu xối.

Pôa K’Krang dế hbrâ dêi mâu djeăm ‘măn tơmeăm hdroăng vâ rơkâu xối xeăng kong

T^ng rơkâu xối xeăng kong cho môi tung mâu tơdroăng t^ng ki kân, châ tơku\m po 3 hơnăm lơ 5 hơnăm môi hdroh klêi kơ’nâi châ xuâ dêi kế tơmeăm. Hdrối vâ po t^ng, vâi rơtăm ki rơdêi mot tung kong rah xo kơlo ki le\m tơdrăng kân vâ pro kâng; mâu kơlá ki krá le\m vâ pro trăng kât pú pái. Vâi kơdrâi pơchên hmê kơchâi, hbrâ mâu tơmeăm hdroăng. Krâ pơlê rah xo tíu ki vâ pro xối, klêi mê, pâ phep xeăng kong [ă xeăng ngo ăm pơlê cheăm tơku\m po t^ng xối rơkâu.

T^ng rơkâu xối cho vâ koh mơnê xeăng kong hiăng kum kring vế kuăn pơlê

Vâi rơtăm tung pơlê hiăng hrăng plâ măng vâ hbrâ ăm mâu tơmeăm ki vâ pro a hâi kơ’nâi. Mâu kăn rơpo\ng hngêi [ă mâu nho\ng o tung pơlê to\n chêng tơgôu koăng, hlu\m rơvo\ng mbuôt. Tâ tá on ki koh [lô [lông, vâi krâ hơ’muăn tối ăm dêi pó tơmâng mâu tơdroăng ki ai roh ton nah tâ tá mâu tơdroăng ki mơjiâng kong ki tơviah mê.

A kơxo hâi kơ’nâi, a hâi ki pro t^ng ki păng ‘nâng, mâu túa t^ng rơkâu xối xeăng kong mê po kân krip ‘nâng. Tơmeăm hdroăng ai 1 to pu pái, 1 to ko chu, 1 to pêap, 1 mo\ng têa, 1 mo\ng drôu, 1 djeăm hmê tơxông, 7 xiâm drôu, 1 kơtum dâ mâ xâng ko\ng [ă môi khu mâ ki pâ a rơno\ng. Tâi tâng mâu tơmeăm ki mê pơrá ‘măn a chêng loăng kâng. Troh a chôu phut vâ pro t^ng, krâ pơlê K’Krang pôe mơheăm í-tơmeăm ki pleăng ăm xeăng, xo mơheăm í bliu a kâng [ă hnối tơvât [ă drôu vâ rơkâu xối xeăng têa, xeăng kong.

To\n chêng tơgôu koăng, hlu\m rơvo\ng mbuôt, kơhnhon xuâng cho hnoăng cheăng ki hmâ dêi tơdroăng t^ng

Rơkong rơkâu xối tiah kố: ‘’Ô xeăng têa, ô xeăng kong, xeăng têa Dak Glong, xeăng têa kroăng Đồng Nai! Hâi kố, cho hâi tro khế ki ‘ló, pơlê ngin ai tơku\m po xối xeăng. Kố cho hmê tơxông prông, kố cho pu pái kâng, kố cho í hmong [ă hên tơmeăm ki ê pâ khu xeăng vêh troh akố veăng kum ăm pơlê cheăm ngin phâi tơtô, hơniâp ro, kuăn cháu tơniăn, ai ivá mo sêi têi ’răng. Pâ phep rơkâu ăm kuăn kơdrâi, kuăn kơnốu ai ivá rơdêi, kuăn ‘ne\ng hriâm rơkê, nôu pâ, jâ pôa rêh ton hr^ng hơnăm, ká xing xo\ng chiâng hngâ hên h^n, í peâp pêng plông, kơpôu ro pêng véa kơdroăng’’.

Troh mơ’nui, krâ pơlê krếo thế rêm ngế ôu drôu xiâm, kâ mâu tơmeăm ki pleăng mê, diâp mâ xâng ko\ng [ă hnối pro t^ng chói báu, pêt loăng mơjiâng kong [ă hên tơdroăng ki ê.

Krâ pơlê ăm nho\ng o tơmeăm hdroăng

T^ng rơkâu xối xeăng kong châ tơku\m po tiô kơ tơdroăng ki kân krip, tu\m têk mâu tơdroăng tiô khôi vâi krâ roh ton nah. A mâu roh ki leh mơd^ng mê, rơtế [ă tơdroăng to\n chêng tơgôu koăng kơhnhon xuâng, hlu\m rơvo\ng mbuôt vâi krâ-nho\ng o ki veăng rơngê ting ting mê xuân hơdruê mâu tơdroăng rơngêi ting ting hdroâng Mạ ki tối ‘na kong kế, ngo ngối, hâk kơdeăn ‘na tơdroăng rêh kâ ối. Xua sap ing roh vâi krâ nah, tơdroăng rêh kâ ối dêi hdroâng kuăn ngo hiăng hmâ [ă kong kế, ngo ngối ing chal ki kố troh chal ki ê. Tơdroăng ki hơ’muăn tối [ă rơngê ting ting kô kum ăm kuăn cháu hlo hnoăng cheăng, ki pơxúa dêi kong kế, ing mê, veăng tơdjuôm kring vế, rak ngăn, mơnhông pêt loăng mơjiâng kong rế hía rế ngiât le\m.

Diâp mâ xâng ko\ng rơkâu ivá [ă mâ ăm nho\ng o ki veăng t^ng

Pôa K’Siêng ối a pơlê Bnăm Prăng Răh hâk phiu tối tiah kố: ‘’Vâi krâ-nho\ng o phiu ro păng ‘nâng drêng châ khu kăn rêm râ pơkuâ ngăn to\ng kum, veăng tơmâng vâ tơdroăng T^ng rơkâu xối xeăng kong ga ai pơxúa. Ing mê, vâi krâ-nho\ng o tung pơlê thăm rế achê kong, thăm mơdêk tơdroăng tơru\m môi tuăn, veăng kum dêi pó mơdêk tung tơdroăng rêh kâ ối’’.

Jâ H’Jang lo ing pơlê Phi Mur, cheăm Quảng Khê, tơring Dak Glong xuân tối: ‘’Hiăng sap ing ton t^n nah mơngế Mạ nếo ai roh ki T^ng rơkâu xối xeăng kong. Pak^ng tơdroăng ki koh nhuo#m mâu khu xeăng, kố ối cho roh ki vâi krâ chiâng vâ trâm mâ, tơpui tơno tơdroăng pêi cheăng kâ, hnê tối kuăn cháu veăng tơdjuôm ivá kring vế, rak ngăn kong’’.

T^ng rơkâu xối xeăng dêi hdroâng Mạ cho túa tơlá ki mơhno le\m tro, tơdroăng ki loi t^ng dêi kuăn pơlê hiăng ai sap ing ton nah, ga ai pơxúa kân khât [ă hiâm tuăn dêi kuăn pơlê, mơnhên tối tơdroăng ki tơru\m pơlê pơla [ă kong kế, ngo ngối.

Mỹ Hằng-Hlá tơbeăng Dak Nông

Nhat Lisa tơplôu [ă tơbleăng