VOV4.Sêdang - Kơxê măng lơ 25/8, a tíu pêi cheăng Chin phuh, pôa Phạm Minh Chính, Ngế pro xiâm hnê ngăn tơnêi têa hôp tơpui tơdroăng hbrâ mơdât pơreăng Covid-19 ƀă tơbleăng pơkâ hnê mơhno dê tơnêi têa ‘na hbrâ mơdât pơreăng COBVID-19. Tiô pơkâ 1438/QĐ-TTg, pôa Phạm Minh Chính pro Ngế pơkuâ khu hnê mơhno cheăng. Khu hnê mơhno cheăng mê ai hnoăng cheăng, tiô pơkâ cho: Mơjiâng pơkâ, tơbleăng mâu hnoăng cheăng pêi, troăng rơhlâ vâ hnê mơhno tơbleăng kơtăng, teăm tơdrêng, tơtro, tơ-brê tơdroăng hbrâ mơdât COVID-19.

Tơpui a rôh hôp, pôa Phạm Minh Chính thế mâu ngế tung Khu hnê mơhno cheăng rĕng pêi cheăng hlối ƀă tơdroăng tuăn vâ rơtế ƀă kuăn pơlê veăng mơdât pơreăng. Ngế pro xiâm hnê ngăn tơnêi têa tối nhên, tung plâ mơdât pơreăng, tơdroăng tơrŭm pơla mâu khu râ thế tơtro, chôa lâng, pêi tơ-ƀrê; mâu khu xiâm kơvâ cheăng, mâu khu râ mơdêk hnoăng chăng a râ xiâm tơnêi têa, ôh tá pro pơ’lêh hnoăng cheăng, hnoăng pơkuâ dêi kong pơlê, tơring, cheăm mê bú veăng kum mâu tơdroăng ki klâi ki kong pơlê ôh tá chiâng pêi, hlối mơdêk hnoăng séa ngăn, séa ngăn tơdroăng plâ mơdât pơreăng.

Gương tơplôu ƀă tơbleăng