VOV4.Sêdang - Grup ngăn on tơhrik Việt Nam kơpong tơdế tơnêi têa [ă Tây Nguyên [ă peăng hdroh tơnêi têa dế trâm pá xua kong tô mơdrăng ó. Têa a mâu long hngêi kơmăi tung kơpong xuân hiăng siâ ó tâng vâ pơchông [ă kơlo tiah hmâ rêm hơnăm, tung mê, hên mâu long ki ‘măn têa hên hdrối nah nôkố hiăng siâ vâ chê tâi, môi tiah: Bản Vẽ, Cửa Đạt, Quảng Trị, Bình Điền, A Vương, Ka Nak, Ia ly, Hàm Thuận, Trị An, Thác Mơ. Tâi tâng têa ki ‘măn a mâu long hngêi kơmăi on tơhrik kơpong tơdế tơnêi têa [ă Tây Nguyên [ă peăng hdroh tơnêi têa bú 329 m3 têa, iâ tâ tơdroăng pơkâ hdrối 1 rơtal 84 rơtuh m3 têa. Hlo tơdroăng xơpá ‘na têa nôkố, khu grup tơru\m krá khât [ă khu xiâm ngăn on tơhrik (ối tung khu xiâm ngăn ‘na tê mơdró), Khu xiâm ngăn ‘na rơchôa têa (ối tung Khu xiâm ngăn ‘na chiâk deăng [ă mơnhông mơdêk thôn pơlê). Khu xiâm rak ngăn tơmeăm khoăng ‘na têa (ối tung Khu xiâm ngăn ‘na nhâ loăng kuăn kiâ [ă hyôh kong prâi) pêi cheăng nhên [ă Vi[an mâu kong pơlê peăng hdroh ki pơkuâ ngăn mâu long hngêi kơmăi on tơhrik, hnê mơhno mơ’no têa a mâu hngêi kơmăi thế bê têa ki vâ toh báu klâng [ă mơ’no ăm kuăn pơlê ôu kâ hum roh jiếo tung mâu kong pơlê.

Gương tơplôu [a\ tơbleăng