VOV4.Sêdang - Riân troh nôkố, hiăng ai 388 tíu tơdah xo tơmeăm ki pêi lo ing chiâk deăng kơchâi, plâi, pôm cho mâu tíu pêi pêt, mâu khu pêi cheăng tơrŭm pêi pêt, khu mơdró chêh inâi veăng kum. Mê cho tơdroăng tối dêi Tôh pêi cheăng ki kal dêi Khu xiâm ngăn pêi chiâk deăng ƀă mơnhông thôn pơlê a kơpong peăng Hdroh tơnêi têa.

Mê ai: 85 tiú tơdah xo tơmeăm kuăn pơlê kum ăm mâu kơchâi, plâi, pôm; 102 tíu kum ăm plâi; 157 tíu kum ăm ká xi xŏng; phái, kế kâ ƀă 24 tíu kum ăm; ki u ối cho mâu tơmeăm ki ê. Tiô tối hdrối sap nôkố ta troh mơ’nui hơnăm, tơmeăm kơchâi, plâi, pôm, ing mâu kong pơlê peăng Hdroh dâng 5,7 rơtuh tâ̆n, tơniăn tiô pơkâ ăm mơngế xúa. Krê to 19 to kong pơlê, pơlê kong kơdrâm dế klâ ối kơtăn, rêm khế pơtroh ăm tê 560 rơpâu - 600 rơpâu tâ̆n kơchâi.

Pôa Phùng Đức Tiến, Ngế xiâm phŏ ngăn chiâk deăng ƀă mơnhông thôn pơlê ăm ‘nâi, mơhnhôk pêi lo tơmeăm ing chiâk deăng vâ bê phái, kế kâ, tơdroăng xo dêi  tơmeăm pêi lo ing chiâk deăng a 19 to kong pơlê, pơlê kong kơdrâm peăng Hdroh dế klâ ối krê tung pơlê pơla cho môi tung mâu  tơdroăng pêi pro tơdrêng kal thế rĕng lêi tah. Khu xiâm ngăn ‘na chiâk deăng hiăng thế Khu xiâm pơkuâ ngăn lêng séa ngăn mơhnhôk mâu lêng veăng kum kuăn pơlê ki dế trâm pá.

Gương tơplôu ƀă tơbleăng