Mâu hâi kuăn kơdrâi H’Hen Niê châ xo muâk cho ngế droh ki le\m má môi Việt Nam, hngêi dêi jâ H’Ngơn Niê, hmâ krếo cho H’Nen, ối a [uôn Sút M’Đưng, cheăm }ư\ Suê, tơring }ư\ Mgar, kong pơlê Dak Lak, đi đo hlo to vâi krâ-nho\ng o troh rơkâu hâk nâ sôk suâ. Teăng mâ khu kăn pơkuâ tơring }ư\ Mgar hiăng lăm pôu ngăn rơpo\ng hngêi dêi kuăn kơdrâi ki chiâng mơngế ki le\m rơduăng mê, pôa Y Wem H’Wing, Kăn pho\ hnê ngăn Vi [an tơring }ư\ Mgar tối ăm ‘nâi, H’Hen hiăng chiâng ngế Droh ki le\m rơduăng má môi, ing khu kăn pơkuâ tá troh a mâu vâi krâ-nho\ng o akố bố bố xuân pơrá ‘lo mơnê kân [ă hâk tơngăm.

 Khu kăn hiăng lăm pôu rơpo\ng hngêi dêi ngế droh, ki hdrối tâ mơhnhôk hiâm mơno, rơkâu rơpo\ng hngêi, klêi mê, tí tăng ‘nâi tơdroăng, hbrâ ăm tơdroăng ki vâ tơku\m po roh trâm mâ ngế ki nếo chiang Ngế droh [ă rơpo\ng hngêi [ă kăn pơkuâ ngăn tơring, kong pơlê vâ koh mơnê, kơdeăn kheăn.

Rơpo\ng hiăng mơjiâng môi ngế kuăn, á hlo tiah kố cho tơdroăng ki kơdo mơ-eăm păng ‘nâng, hiăng tơkâ luâ mâu tơdroăng pá puât tung rêh ối, hiăng kơdo mơ-eăm hriâm tâp, [ă hiăng chiâng troh a tíu ki a’ngêi ki rơkê kơnía kân. Hâi kố, kuăn pơlê dêi rêm hdroâng kuăn ngo, ki ahdrối tâ cho kuăn pơlê hdroâng Rơđế [ă mâu kuăn pơlê mâu hdroâng kuăn ngo dêi tơring }ư\ Mgar ‘ló phiu mơnê [ă hâk tơngăm păng ‘nâng, ngin troh a kố vâ veăng hơlêm, mơhnhôk rơpo\ng hngêi [ă kuăn pơlê tung kố. {ă la ngiâ kố ah, ngin kố xo hnoăng rơkê, um méa dêi ngế ki hiăng chiâng ngế droh le\m má môi kố vâ pro ăm tơdroăng ki hâk mơnâ, mơhnhôk kuăn ‘ne\ng cháu cháu dêi hdroâng kuăn ngo a kố tối krê [ă mâu kuăn ‘ne\ng dêi mâu hdroâng kuăn ngo ki ê.

Jâ H’Ngơn Niê, nôu dêi ngế ki le\m má môi H’Hen tối ăm ‘nâi, sap ing on veăng jâ vêh ing pơlê kong kơdrâm Nha Trang, kong pơlê Khánh Hòa troh nôkố, ai hên hdroâng hdrê, nho\ng o [ă vâi krâ-nho\ng i ki ê hiăng troh lăm rơkâu [ă veăng phiu niu, sôk ro. Ai hên mâu vâi krâ hiăng hơ’muăn tối, tung kơmăng tơ’noăng mê nah, maluâ bu ngăn to ing tơvi la ngế ki lâi xuân tâ rơ-rêk tung hiâm mơno, drêng rêm hdroh tâng tối troh inâi H’Hen [ă tríu têi troh a kơxông krôk drêng tâng khu ki châm điêm tối pơtâng H’Hen ối a kơlo ki ó má môi. Tung mâu hâi ki kố, mâu ngế tung rơpo\ng hngêi xuân hiăng hên hdroh po ngăn tung kơmăi vi t^nh vâ ngăn i nhên mâu roh ki H’Hen ai tơ’noăng, tiâ tơpui, la xuân tá hâi teăm loi troh a chôu phut kố kuăn dêi tơná hiăng chiâng mơngế droh ki le\m ó má môi.

Jâ H’Ngơn Niê ai hơ’muăn tối, H’Hen cho kuăn má 3 tung rơpo\ng, klêi kơ’nâi ga ối pá 3 ngế o nếo. Sap ing tơx^n nah, H’Hen hiăng hmâ pêi xêh tơdroăng cheăng tơná, pêi kơhnâ khât, xiâm hriâm lâm 4, lâm 5 la hiăng ‘nâi to\ng veăng dêi nôu pâ pêi chiâk pêi deăng, pêt báu, kơ’nê ro, pêi nhâ. Hiăng klêi hriâm râ má 3, H’Hen hiăng kho\m kơdo châ hriâm a pơlê kong kân Hồ Chí Minh [ă klêi mê, hiăng châ hriâm a hngêi trung Dự bị Đặi học Trung ương Nha Trang, klêi mê, pơtối hriâm tiô dêi tơdroăng tơná hiăng pói vâ klêi kơ’nâi 1 hơnăm hriâm dự bị:

Kuăn kơdrâi á ga kơhnâ cheăng sap ing tơx^n nah, maluâ tá hâi teăm ‘nâi pêi cheăng la ga xuân hiăng kum khât dêi nôu pâ, drêng hiăng kân iâ, ga hiăng mơhno\ng mơhriâm xêh [ă hiăng chiâng pêi pro mâu tơdroăng cheăng ki kân, môi tiah pêi chiâk pêi deăng kum nôu pâ, maluâ trâm hên xơpá la ga xuân kơdôu mơ-eăm hên ó. Tung pơla hriâm a Sài Gòn, ga hiăng tí tăng pêi hên tơdroăng cheăng, ing tơdroăng păn roăng mâu vâi hdrêng, lăm kơpuih văng hngêi trăng vâi. Á ối chôu vế môi hdroh á êng ga, xo liăn ing lâi gôih ăm nôu pâ, á êng đi đo mê ga nếo hơ’muăn tối ai mơngế ki mung ga cheăng kơpuih văng hngêi trăng. Ga hơ’muăn tối, klêi kơ’nâi hriâm ga prếo vêh xua hrá, athế kơpuih văng rơbrêi tâ nếo vâ re\ng teăm, á tâng tiah mê chiâng lo têa mâ’’.

Tí xê to ga chân tuăn, khên tơnôu, mê H’Hen cho ngế ki ối rêh ‘nâi hơ-ui pâ kơ rêm ngế, malối ‘nâi to\ng kum dêi rơpo\ng hngêi. Jâ H’Ngơn ai hơ’muăn tối, ai drêng ‘nâ on veăng jâ ai tơhôu, la kơnôm ai H’Hen ki veăng plâ mơdât, pro pơle\m ăm dêi nôu pâ. Tung pơla hriâm đăi hok, ti xê to ôh tá pâ liăn dêi nôu pâ, mê H’Hen ối kơdo mơ-eăm rế hriâm rế tăng pêi cheăng vâi, kơd^ng dêi môi iâ kơxo# liăn ki tơná pêi cheăng vâi, [ă to ton gôih liăn ăm dêi nôu pâ vâ veăng kum rơpo\ng hngêi. Tung pơla nôu pâ veăng mơhnhôk dêi kuăn kơdrâi drêng tơ’noăng a Nha Trang, maluâ dế ối tơvâ tơvân hên tơdroăng cheăng, la H’Hen xuân ôh tá piu pơchân tối dêi nôu pâ tíu ki ối pơtê, rôe ăm nôu pâ ve\ kơto rơxế vâ prếo vêh a pơlê, xua nôu pâ ga tá hâi chói prôk lăm a pơlê kong kơdrâm, xuân cho roh ki apoăng lo lăm a kong hơngế.

Ôi a hngêi, ngế ki le\m rơduăng mê hmâ [ă dêi ó cho H’Min Niê-cho o kơdrâi ki rêng achê o hdrui, ai tơdroăng klâi prế nâ o xuân hmâ tơpui tơno [ă dêi pó. H’Min Niê tối ăm ‘nâi, maluâ nâ hơngế ing hngêi hiăng ton la péa ngế nâ o xuân hmâ krếo phôn, tơpui tơno [ă dêi pó [ă phôn râng ko\ng. Ngế nâ cho ngế ki djâ troăng ahdrối vâ dêi ó châ hlo, châ ngăn [ă kơdôu mơ-eăm hên tâ tung la ngiâ ah.

Nâ H’Hen cho mơngế nâ ki djâ troăng ahdrối vâ ngin o hriâm [ối. Tơdroăng rêh ối dêi á dế kố hiăng xo on veăng [ă hiăng ai kuăn ‘ne\ng, thâo xo ah hmôi, á kô mơhnhôk hnê thế dêi kuăn ‘ne\ng tơná, vâ dêi kuăn ‘ne\ng tơná hriâm [ă prôk tiô troăng ki meh kơdrâi vâi hiăng djâ’’.

Hơniâp ro, sôk suâ, hâk tơngăm xua kuăn kơdrâi hiăng châ inâi ngế droh ki le\m rơduăng má môi Việt Nam, la rơpo\ng hngêi H’Hen Niê tá hâi la lâi pơtê tơdroăng cheăng pêi dêi mơngế ki pêi chiâk pêi deăng. Drêng koh pơ’lâng khu kăn ki lăm pôu ngăn, jâ H’Ngơn Niê hiăng tơvâ tơvân kơpuih văng dêi hngêi trăng, che\m ngăn dêi chu, í [ă hbrâ ăm tơdroăng kâ hmê a kơmăng. Pôa Y Kring Êban, cho pâ dêi ngế droh ki le\m rơduăng mê pơtối lo lăm a tíu ki cheăng vâ pơtối pêi mâu tơdroăng cheăng dêi tơná hmâ pêi.

H Xíu chêh

Nhat Lisa tơplôu [ă tơbleăng