Nôkố, Tơdroăng tơpui nâl Bơhnéa dêi Rơ’jiu Việt Nam châ mơ’no rêm hâi tung [âng kuăn ngo kơpong Tây Nguyên, tiô troăng hyôh ‘nung ‘nâi 6020khz, drăng hyôh FM 90,5Mhz. Ai mơ’no 2 hdrôh tơdroăng nếo ai, môi tơdroăng mơ’no tơchoâm [ă môi tơdroăng rơngêi ting ting tiô tơdá mâu kuăn ngo Tây Nguyên, mâu tơdroăng mơ’no mê hiăng mơ’no ăm mâu ngế hmâ cho mơngế Bơhnéa, mâu tơdroăng mơ’no mê re\ng tro ‘ló tối ‘na cheăng kâ, tơdroăng kal kí, ‘na mơhno túa le\m tro, rêh ối pơlê pơla, tơdroăng rêh ối dêi tơnêi têa, dêi kơpong Tây Nguyên [ă lâp plâi tơnêi; tối tơdroăng ki hiăng hơ’lêh tung rêh ối a mâu pơlê, tối ‘na khôi túa vêa vong dêi mâu hdroâng kuăn ngo, chiâng mơngế pú hmâ khât dêi Rơ’jiu Việt Nam a mâu pơle ki achê hơngế.

Pôa Krung Dăm Veo, kăn [o# pơtê cheăng hơnăm hiăng krâ mơngế Bơhnéa a pơlê Piơm, pơlê kân Đak Đoa, tơring Đak Đoa, kong pơlê Gia Lai, tối, pôa rơhêng vâ hmâng mâu tơdroăng nếo ai  [ă nâl Bơhnéa. {ă pôa xuân kơhnâ hmâ tơdroăng mơnhên rơdâ ki mơ’no rêm măng t^ng  mê cho tơdroăng: Rơtế prôk [ă mơgế pêi chiâk deăng; Tơdroăng ivá ăm rêm ngế, Tơdroăng Kuo#k ho#i [ă kuăn pơlê, mâu tơdroăng tơpui mơ’no [ă nâl Bơhnéa tung  Rơ’jiu Việt Nam :

‘’A đi đo hmâng Rơ’jiu. Tối tơchoâm vâi ngoh, nâ pêi cheăng tro ‘nâng, pơchuât tro ‘ló, [ă pơkâ pêi cheăng tơdroăng mê ai 4 ngế  la tơdroăng cheăng pêi hên hngăm tiah mê, a tơmiêt tơdroăng mơ-eăm [ă hnoăng cheăng pêi dêi vâi ngoh nâ gá kân hngăm ‘nâng. A púi vâ Rơ’jiu mơ’no hên [ai chêh a kơpong hngế hngo, kơpong hdroâng kuăn ngo Bơhnéa pin môi tiah a mâu tơring Kbang, Kông Chro dêi kong pơlê Gia Lai, mâu tơring dêi kong pơlê Bình Định. Vâ mơhnhôk rế ai hên ngế hmâng Rơ’jiu pin tâ nếo, mê vâi ngoh nâ thế pơtối rak vế pêi pro hnoăng cheăng chêh ‘na mơhno khôi túa le\m tro, lăm chêh tơdroăng mơnhên rơdâ, [ai chêh mê ai hên rơkong tơpui nâl kuăn ngo  tơná [ă ai hên tơdroăng hơ’muăn, tơdroăng pro pơro [ă hên tơdroăng ki ê’’.

Pôa Đinh Nan, kăn [o# pơtê cheăng hơnăm hiăng krâ mơngế Bơhnéa a tôh kơpho# 9, pơlê kân Đak Đoa, tơring Đak Đoa, kong pơlê Gia Lai tối:

‘’A cho mơngế ki đi đo hmâng Rơ’jiu [ă tiô a ‘nâi, mơngế Bơhnéa pin vâ hmâ Rơ’jiu xiâm tơnêi têa xuân môi tiah Rơ’jiu dêi kong pơlê mơ’no [ă nâl kuăn ngo Bơhnéa pin. Vâi hmâng ki ‘nâ vâ xah pơtê, ki ‘nâ vâ hriâm, vâ ‘nâi hlê [ă vâ pêi pro tro tiô troăng hơlâ dêi Đảng luât tơnêi têa, vâ hlê ‘na kih thua#t pêt loăng plâi, păn mơnăn vâ xúa tung pêi cheăng kâ rêh ối. Kơnôm ing mê, hên rơpo\ng hngêi hdrối nah trâm pá, ôh tá ‘nâi pêi cheăng klâi nôkố vâi krâ nho\ng o hiăng hlê pêt báu klâng péa rơnó, ‘nâi pêt kơphế, tơkâ luâ tu\m tơdroăng pá, tơdroăng rêh ối rêm hâi rế hơ’lêh phá tơ ê. Kuăn pơlê ôh tá hmâng khu ‘mêi pơlông djâ pro tơdroăng ki ôh tá tro, hiăng hmiên tuăn pêi cheăng kâ, ‘nâi mơnhông dêi tơdroăng pêi cheăng kâ rêh ối ăm rơpo\ng hngêi’’.

Pơtối ing tơdroăng hiăng pê klêi ‘na tơdroăng mơ’no tung Rơ’jiu, [ă tiô troăng hơlâ mơdêk ai tiô púi vâ rế tơ-[rê dêi kuăn pơlê mơngế Bơhnéa, sap ing mơ’nui hơnăm  2013, tơdroăng chêh ‘mot tung trang website VOV4.Bơhnéa pơxiâm tơbleăng ăm mâu ngế vâ po ngăn. Tơdroăng chêh [ă cđie#n tưh kố hiăng tơdjêp pro troh hơhngế hyôh dêi Rơ’jiu mơ’no nâl kuăn ngo, djâ tơbleăng tơdroăng tơpui nâl Bơhnéa troh [ă kuăn pơlê tung lâp plâi tơnêi. Troh nokố, tâng riên, rêm hâi ai vâ chê 1.000 hdroh ngế po, ing lối 15 to kong têa po ngăn tung trang web VOV4.Bơhnéa. Ngoh Blâp, sinh viên Hngêi trung Đại học Tây Nguyên tối:

‘’Nôkô, hên ngế sinh viên mơngế Bơhnéa dêi hngêi trung Đại học Tây Nguyên po ngăn hên trang web chêh nal kuăn ngo Bơhnéa. A hlo hên tơdroăng chêh ‘mot, ing mâu tơdroăng nếo ai, mâu tơdroăng hơ’muăn, mâu tơdoăng chêh tối, mâu tơdroăng ‘na pêi chiâk deăng, ‘na kuo#k ho#i. ‘Na rak vế ivá ăm rêm ngế [ă hên tơdroăng ki ê, tơbleăng chêh le\m mơnâ mâ ngăn [ă pơchuât ngăn hlối tơ’lêi hlâu re\ng hlê há. Pak^ng hmâng tơdroăng hơdruê vâ xâh pơro ăm tơná, a ối hmâ po ngăn mâu tơdroăng chêh hnê kih thuât pêt loăng plâi, păn chu ro, í pêap, ngăn mâu tơdroăng chêh hnê râk vế ivá mo le\m [ă hên ki ê, [ă a xuân in mâu [ai chêh mê vâ hriâm [ôi túa rak ngăn kơphế, tiu [ă hên loăng plâi ki ê’’.

Mâu tơdroăng veăng mơhnhôk dêi mâu ngế pú ki hmâng Rơ’jiu cho vâ mơhnhôk mâu ngế rah chêh, mâu ngế tơplôu tơbleăng nâl kuăn ngo Bơhnéa  mơ-ăm tâ mê nếo vâ mâu tơdroăng ki mơ’no rế tro rơ eăng ro tâ nếo, pro xiâm ki hdró phá xêh, khôi túa vêa vong phá xêh há tung tơdroăng mơ’no drăng bâng nâl kuăn ngo VOV4 dêi Rơ’jiu Việt Nam [ă tung hiâm mơno kuăn pơlê mơngế Bơhnéa a Tây Nguyên.

Amazưt  chêh

Gương tơplôu [ă tơbleăng