VOV4.Xơ Đăng - Kơxê lơ 30/5, vâ môi tuăn dêi Ngế pro xiâm hnê ngăn Chin phuh, khu rak ngăn hngêi ‘măn poăng Pôa Hồ Chí Minh, Kăn xiâm hnê ngăn tơnêi têa ki apoăng hiăng tơrŭm ƀă kăn teăng mâ Việt Nam a kong têa Rusi ƀă Tíu xiâm tí tăng ‘nâi plĕng khoahok pro pơkeăng ƀă pro têa pơkeăng ki xú lĕm dêi kong têa Rusi tơkŭm po hôp mơgêi 30 hơnăm tơrŭm cheăng ki rak vế ton hơnăm, kring vế tơniăn châ Pôa Hồ Chí Minh (1992- 2022). 

30 hơnăm tơrŭm cheăng pơla Việt Nam- Rusi  tung pơtối rak vế châ Pôa Hồ Chí Minh, Kăn xiâm hnê ngăn tơnêi têa ki apoăng

Tơbleăng a hneăng hôp, thiếu tươ̆ng Bùi Hải Sơn- Ngế  pơkuâ Khu rak ngăn hngêi ‘măn poăng Pôa Hồ Chí Minh, Ngế xiâm pơkuâ ngăn lêng ngăn hngêi rak ngăn poăng Pôa ăm ‘nâi: Kơmăi kơmok rak vế châ Pôa Hồ Chí Minh cho kơmăi kơmok ki dâi lĕm, cho ki krê dêi kong têa Rusi. Laga nôkố, mâu khu cheăng khoa hok dêi Việt Nam hiăng tơniăn, ‘nâi pơkuâ pêi pro tung tơdroăng rak vế châ Pôa Hồ Chí Minh, la xuân ôh tá chiâng lôi mâu thái cho mâu ki cheăng ‘na khoa hok dêi kong têa Rusi.

Việt Nam pơtối tí tăng ‘nâi plĕng mâu tơdroăng nếo ai, pê klêi ‘na hlá mơ-éa chêh ƀă túa pêi cheăng ăm mâu ki rơkê dêi Việt Nam, chôa lâng ƀă rế pêi rơkê tâ nếo châ pơkuâ dêi kơmăi kơmok mê.

Gương tơplôu ƀă tơbleăng