VOV4.Xơ Đăng - Tiô Khu ngăn pro hngíu, pơkhăng ƀă tê ká xi xŏng dêi Việt Nam ăm kong têa ê , 5 khế apoăng hơnăm kố, kơxô̆ liăn châ xo ing tê ká xi xŏng dêi Việt Nam ăm kong têa ê châ dâng 4,5 rơtal dollars, tâk lối 44,5% tâng pơchông ƀă hơnăm nah. To ká tra ƀă xi xŏng châ 2,8 rơtal dollars. Vâ kơjo kum mâu kong pơlê, khu mơdró, khu pêi cheăng tơrŭm ai ká xi xŏng dêi Việt Nam xúa mâu tơdroăng tŏng kum dêi tơdrŏng kĭ tơhrâ tơrŭm cheăng kâ tung tŭm tơdroăng dêi kơpong (RCEP) vâ mơdêk tăng khu tơrŭm, tơdjêp ƀă mâu rôh tơ’lêi tê mơdró ƀă tê ká xi xŏng ăm mâu kong têa tung khu RCEP, tung 2 hâi lơ 30 - 31/5

Rôh hôp ‘na ká xi xŏng

Khu xiâm ngăn ‘na tê mơdró tơrŭm ƀă mâu Tíu pêi cheăng - Kăn teăng mâ Việt Nam a mâu kong têa tung khu RCEP tơkŭm po hneăng Hôp tơpui tơno ‘na tê mơdró tơpui ‘no tiô troăng hyôh internet ‘na ká xi xŏng Việt Nam ƀă mâu kong têa RCEP hơnăm 2022. A hneăng hôp, mâu ki rơkê, khi rôe tơmeăm kong têa ê, kăn teăng mâ ngăn ‘na tê mơdró Việt Nam a mâu kong têa tung khu RCEP (Sinuâ, Nhuk, Australia) kô tơbleăng tơmeăm ki ai hlâu, tơdroăng kal vâ ƀă rôh tơ’lêi tơrŭm tê mâu ká xi xŏng dêi Việt Nam a mâu kong têa tung khu RCEP.

Gương tơplôu ƀă tơbleăng