Teăng mâ Khu kăn hnê ngăn hneăng hôp, Kăn hnê ngăn Khu xiâm ngăn ‘na chiâk deăng Việt Nam Lương Quốc Đoàn ăm ‘nâi, tung kơxô̆ 119 ngế cheăng tung Khu kăn xiâm dêi Khu xiâm ngăn ‘na chiâk deăng Việt Nam hneăng má 8, hneăng hôp hiăng rah xo 111 ngế, klêi mê kô tơ’nôm 8 ngế nếo mot tung tung pơla ki tơtro ah.

100% ngế hiăng vâ môi tuăn ƀă inâi  râh xo ƀă hlối tâ phĭu rah xo Khu kăn cheăng tung tíu xiâm Khu xiâm ngăn ‘na chiâk deăng Việt Nam hneăng má 8, hneăng hơăm 2023-2028. Klêi tâ phĭu, Khu riân phĭu dêi Hneăng hôp kân hiăng riân ngăn. Ƀă tơdroăng pêi pro tơdrăng, rĕng klêi, pêi tiô tuăn mơhno, tro tuăn kuăn pơlê, Khu riân phĭu hiăng pê klêi hnoăng cheăng pơcháu. Tiô pơkâ, hâi lơ 27/12 Hneăng hôp kô mơgêi.

Khu kăn cheăng tung tíu xiâm Khu xiâm ngăn ‘na chiâk deăng Việt Nam hneăng 8, hneăng hơnăm 2023-2028 kô lo tơbleăng a hneăng hôp.