Ƀăng tơnêi pêt pía kái hơnăm 2024 a tơring Čư̆ Prông dâng 300 ha a mâu cheăm Ia Piơr, Ia Lâu ƀă Ia Mơr, ki hên kuăn pơlê mâu kong pơlê Bình Định, Phú Yên, Quảng Ngãi lăm mung tơnêi vâ pêt. Troh nôkố, mâu rơpŏng kuăn pơlê hiăng krí dêi pía kái châ dâng 150 ha, mâu ƀăng tơnêi pêt ki u ối cho pêt hrá tâ vâ tê a rôh Têt.

Xua kong prâi ôh tá tơniăn, kong mê hên hiăng peo hên ƀăng klâng pêt pía kái chiâng ŭm, hlối lup tâi tâng. Nôkố yă tê pía kái xuân chu rơpâ pro kuăn pơlê trâm pá. Hên kuăn pơlê, klêi kơ’nâi ‘no lối hrĭng rơtuh liăn rak ngăn mê nôkố tro luưp tâi tâng athế chiâng pôu tơ’nôm liăn chê̆n hên tâ. Ai ngế ki ‘nâ lôi dêi ƀăng klâng, ki ê ối mơeăm krí dêi vâ mơdrếo liăn mung tơnêi.