Tơdroăng tơkêa châ tơbleăng pêi tung hơnăm 2025, pôa Nguyễn Văn Thủy, Kăn phŏ hnê ngăn Vi ƀan tơring Kon Rẫy, ăm ‘nâi, kơpong kong ki chiâng xêh a cheăm Đăk Kôi dêi tơring ai tơnêi tơníu tơ’lêi hlâu vâ pêt sâm Ngọc Linh.

Tơdroăng ki châ rak vế hnê mơhno tơnêi tơníu “Ngọc Linh” ăm sâm  pôm a kơpong cheăm Đăk Kôi kô pro tơ’lêi ăm cheăm kố tung tơdroăng ki pêt mâu hdrê pơkeăng ki kơnâ liăn kố. Nôkố, kong pơlê Kon Tum ai 9 to cheăm ối tung 2 tơring hiăng châ Khu xiâm rak ngăn tuăn ngoâ rơkê – Khu xiâm ngăn Khoa hok ƀă Kong ngê̆ hbrâ ăm Hlá mơ-éa mơnhên hnê mơhno tơnêi tơníu sâm pôm Ngọc Linh, ki nhên mê cho: Mường Hoong, Ngọc Linh, cheăm Xốp, tơring Đăk Glei; Đăk Na, Măng Ri, Ngọc Lây, Ngọc Yêu, Văn Xuôi, Tê Xăng ối tung tơring Tu Mrông.