Kong pơlê Lâm Đồng mơnhên ai 350 rơpŏng ai ro xo têa tôu tro pơreăng ƀă hlâ klêi kơ’nâi pâk vaccine êi kéa lo po pom Navet -LpVac dêi Kŏng ti Navetco. Klêi hên rôh tơpui tơno, troh nôkố hiăng ai 330 rơpŏng kuăn pơlê, ƀă 7.186 to ro tro pơreăng ƀă 511 to ro hlâ môi tuăn vâ xo liăn chêl thiăn ki lŭp ing Kŏng ti Navetco ƀă tâi tâng kơxô̆ liăn lối 35 rơtal 500 tơtuh liăn.

Nôkố Kŏng ti Navetco hiăng ăm kơxô̆ liăn chêl thiăn rôh má 1 ai vâ chê 18 rơtal liăn, kơxô̆ liăn ăm rôh má 2 kô ăm klêi hdrối hâi lơ 28/11 kô ah. Tiô pôa Nguyễn Hà Lộc, Kăn phŏ pơkuâ ngăn ‘na Chiâk deăng ƀă Mơnhông thôn pơlê  kong pơlê Lâm Đồng, nôkố ai 20 rơpŏng kuăn pơlê hâi vâ môi tuăn ƀă troăng rơhlâ chêl thiăn kơxô̆ liăn ki tro lŭp. Kong pơlê  kô pơtối pơkâ thế kŏng ti Navetco hôp tơpui tơno, tơbleăng troăng rơhlâ chêl thiăn ăm tơtro vâ tơniăn hnoăng ki pơxúa ăm mơngế ki păn.