Kố cho tơdroăng ki châ Vi ƀan hnê ngăn tơring mơ’no tối a Rôh hôp mơgêi pêt krí, tê sầu riêng rơnó 2024 ƀă tơbleăng túa pơkâ hnoăng cheăng 2025”. Ƀă kơlo yă roê tiô tối cho ing 60 rơpâu – 70 rơpâu liăn/kg, ki kơnía ‘na pêt sầu riêng dêi tơring Krông Pač a hơnăm 2025 tiô riân châ ing 6.400 – 7.500 rơtal liăn, chiâng kơvâ ki xiâm a tơring. Wam kơvâ cheăng kố mơnhông tiô trâu hngế, tơring Krông Pač, kong pơlê Dak Lak tơtrŏng pêi pro mâu tơdroăng pơkâ ki dâi lĕm, tro ƀă tơdroăng ki uâ pơliê, tê roê, rế hía rế mơjiâng tơrŭm pêt tiô tơdroăng ki kơnía; tơbleăng tơdrăng túa pêt vâ châ vâi loi tơngah.

Tơdroăng ki hmiân tuăn ăm mâu ngế ki roê kâ; mơjiâng lơgât pro pơhlêh tung tơdroăng pêi chiâk deăng vâ ai túa pơkâ tơtro ăm kơpong pêt plâi sầu riêng.