Diâp ăm teăng mâ kong pơlê Lai Châu 2.000 xiâm hdrê pôm pơkeăng kong Ngọc Linh, Kăn pơkuâ hnê ngăn Đảng kong pơlê Kon Tum pôa  Dương Văn Trang púi vâ kong pơlê Lai Châu kô rak ngăn,  pêi krâu xiâm hdrê; hlối ngăn nhên tung pơla loăng xông kân, rơdêi, tí tăng ngăn vâ ’nâi nhên hàm lượng hợp chất saponin dêi pôm pơkeăng kong Ngọc Linh a Lai Châu vâ hbrâ rơnáu  ki mơnhông rơdêi, po rơdâ deăng pêt ton ta ah.

Klêi tơdah xo, kong pơlê Lai Châu kô pơcháu tâi tâng ăm Khu ngăn pôm pơkeăng kong Lai Châu pêt, rak ngăn ƀă tăng ngăn nhên tung pơla loăng pôm xông kân. Tung pơla mơnúa pêt, kô tơpui tơno tơrŭm krá ƀă kong pơlê Kon Tum vâ châ hnê tối nhên ‘na kih thuât.