A leh diâp pri, Hô̆i đong mơhá pri hiăng  pơ eăng inâi 22 um  ki lĕm má môi dêi  rôh Tơ’noăng hơnăm kố, rah xo 28 kơtâ um vâ tơbleăng a rôh tơkŭm po tơbleăng um  ăm kuăn pơlê ngăn a rêm tíu tung lâp Tơnêi têa, kuăn pơlê Việt Nam a kong têa ê ƀă mâu vâi pú lâp plâi tơnêi. Hô̆i đong Sơ khảo hneăng tơ’noăng khê̆n kơdeăn, tơdrêng ƀă rế hên kơxô̆ um, ki lĕm dêi mâu um tơ’noăng hneăng tơ’noăng hơnăm kố xuân châ mơdêk nhên.

Tơbleăng a rôh leh mơhá pri, pôa Nguyễn Trọng Nghiã, Ngế pơkuâ tơdroăng kal kí xiâm tơnêi têa  khê̆n kơdeăn mâu ngế ki veăng tơ’noăng um. Vâ mơdêk ki tơƀrê lĕm tơbrê tung tơdroăng tối tơbleăng ‘na tíu tơkăng kong tơnêi têa tung la ngiâ, Ngế pơkuâ tơdroăng kal kí xiâm tơnêi têa pơkâ thế, mâu kơ koan khu grup, ing Tíu xiâm tơnêi têa troh mâu kong pơlê thế pơtối hnê nhên khât troăng hơlâ dêi Đảng ƀă Luât tơnêi têa ‘na tơdroăng cheăng tíu tơkăng kong, hnoăng pơkuâ tơnêi têa tung tơdroăng nếo- tiô  tơdroăng  Pơkâ hneăng hôp kân má 13 dêi Đảng.