VOV4.Xơ Đăng - Mâu tơdroăng ‘’1 rơtuh tơdroăng rơkê, kơdo tơkâ luâ xahpá, rơkê ple\ng, kho\m mơ-eăm plâ [lê trâng pơreăng COVID-19’’ cho môi tung mâu tơdroăng ki kal xiâm hiăng châ Khu xiâm ngăn ‘na pêi cheăng mơhnhôk tơdroăng cheăng [ă pơkâ mơjiâng khế Ko\ng nhân drêng troh  khế 5 kố. Mê ti xê to roh ki vâ mơhno tối mê ối vêh mơnhên tơdroăng cheăng, vâ ko\ng nhân pêi cheăng ôh tá pơtê tơdroăng ki rơkê ple\ng.

Ngoh Hoàng Anh Tuấn – ngế cheăng ‘na kih thuât tung khu cheăng Engineering, Kŏng ti pêi cheăng tiô rơnó môi khu Toyoda Boshoku (Kơpong hngêi kơmăi kơmok Nomora pơlê kong kân Hải Phòng) 13 hơnăm ối tung khu pêi cheăng ‘na pôe mê ai troh 30 troăng tơmiât pêi rơkê châ xúa tung tơdroăng pêi cheăng. Laga phiu ro ƀă pâ má môi ƀă ngoh mê cho tung pơla ti tăng pêi xêh, ti tăng plĕng troăng tơmiât pêi rơkê ‘’Mơjiâng troăng pêi kơdroh chôu camera mơnhên tơmeăm drêng pôe’’.

‘’Mơhé kŏng ti hiăng mơhnhôk mơngế pêi cheăng vâ pêi tơ’nôm chôu laga ôh tá bê tŭm. Tâng rôe tơ’nôm 1 toăng kơmăi nếo mê kô mơ’no 7 rơtal liăn ƀă tiah mê kŏng ti thế pêi 2 – 3 hơnăm la ngiâ nếo châ xo kơxô̆ liăn ki mơ’no mê. Ing mê, á hriăn plĕng tơdroăng ki mơ’nhê tung tơdroăng mơjiâng pro tơmeăm, ki má lối cho chôu camera mơnhên tơmeăm ki mơ’nhê tê kơtê, pơkâ troăng tơmiât pêi kơdroh chôu camera mơnhên tơmeăm. Ahdrối vâ pro tơƀrê tâ chôu camera tot cho 105 yâi, kơ’nâi mê á hiăng pro ăm lĕm tâ u ối 92 yâi’’.

Troăng tơmiât pêi rơkê châ kŏng ti ăm phêp mơnúa sap ing khế 3/2021. Klêi kơ’nâi séa ngăn ki dâi lĕm, troăng tơmiât pêi rơkê dêi ngoh hiăng châ khu râ kăn pơkuâ Kŏng ti mơnhên ƀă djâ ăm xúa rơdâ  tung kŏng ti sap ing khế 9 hơnăm 2021 ƀă ki kơnâ pro pơxúa 3,8 rơtal liăn/hơnăm. Mê cho xiâm kối mơhnhôk kân vâ ngoh Tuấn mơ-eăm tơkâ hluâ pá, tơmiqqt pêi rơkê hên tâ tung la ngiâ.

Môi troăng tơmiât pêi rơkê ki ê dêi ngoh Nguyễn Thanh Tuấn, Pơkuâ kŏng trương kui xo, kŏng ti pêi cheăng tiô rơnó chiâ xo kơchâ Đèo Nai, Grup pơkuâ kơchâ tơmeăm khoăng tung kơdâm tơnêi Việt Nam, cho ‘’Xúa phân mêm tơdah pơkâ pêi tơdrêng tung um tiô hyôh măng‘’. Troăng tơmiât pêi kum kơdroh chôu tơkôm, mơdêk chôu pêi cheăng pơxúa dêi kŏng nhân pêi cheăng tung chôu mơjiâng tơmeăm, kơdroh chôu chêh mơ-éa ƀă kŏng, mơdêk chôu mơhnhôk kŏng nhân pêi cheăng.

Tơdroăng tơdah pơkâ tơdrêng tung um tiô hyôh măng xuân kum kơdroh kơxô̆ liăn khu vê rơxế pơto chôu tơdah kŏng nhân ƀă mơdêk hlê plĕng xúa kŏng ngê̆ thông tin ăm kăn ƀô̆, kŏng nhân pêi cheăng. Ngoh Nguyễn Thanh Tuấn tơbleăng tối ‘na troăng tơmiât pêi rơkê dêi tơná:

‘’Kơvâ kơchâ ngin phá tơ-ê tơdroăng cheăng tơbrêi tơbrêh, xua mê rế kơdroh mâu tơdroăng cheăng ki ôh tá kal păng ‘nâng mê thăm mơdêk ki dâi lĕm ‘na tơmeăm, kơchâ cho mêa prăng dêi tơnêi têa pin mê. Thăm ai chôu hên xúa tung mơjiâng tơmeăm mê cho tơtro tâ cho pêi ‘na hlá mơ-éa hên. Á rơtế [ă mâu nhŏng o a tíu chiâ xo kơchâ môi chât to lâi hơnăm kố á hlo nhŏng o tơbrêi tơbrêh ‘nâng ƀă tơdroăng cheăng kâ cho ki mơhnhôk apoăng vâ á tơmiât troăng kơdroh mâu tơdroăng pêi ki ôh tá kal to lâi ƀă mơdêk tơdroăng pêi cheăng ăm nhŏng o’’.

Tơdroăng ‘’1 rơtuh troăng tơmiât pêi rơkê – mơ-eăm tơkâ hluâ pá puât, tơmiât pêi rơkê, khŏm mơ-eăm ƀlêi trâng pơreăng kân COVID-19’’ dêi Khu xiâm tơru\m ngăn ‘na pêi cheăng Việt Nam ôh tá xê to mơhnhôk hên mơngế pêi cheăng veăng mê ối mơhnhôk mơngế ai ivá tơmiât pêi rơkê vâ kŏng nhân viên chưk pêi cheăng thăm mơ-eăm, mơdêk ivá pêi cheăng ƀă pêi cheăng châ tơƀrê hôm.

Pôa Trần Thanh Hải – Kăn phŏ hnê mơhno má môi Khu xiâm tơru\m ngăn ‘na  pêi cheăng Việt Nam, Kăn pơkuâ Khu hnê mơhno pêi pro tơdroăng ‘’1 rơtuh troăng tơmiât pêi rơkê – mơ-eăm tơkâ hluâ pá puât, tơmiât pêi rơkê, khŏm mơ-eăm ƀlêi trâng pơreăng kân COVID-19’’ tối ăm ‘nâi:

‘’Tơdroăng ‘’1 rơtuh troăng tơmiât pêi rơkê – mơ-eăm tơkâ hluâ pá puât, tơmiât pêi rơkê, khŏm mơ-eăm ƀlêi trâng pơreăng kân COVID-19’’ mơnhên ai môi kih thuât rơxông nếo, châ mơ’no liăn xúa kŏng ngê̆ kô kum hnoăng ki kal má môi tung tơdroăng mơhno tuăn tơmiât pêi rơkê dêi tơná tung pêi pro tơdroăng nôkố nếo tối tơdroăng châ tơƀrê tơmiât pêi rơkê dêi tơná a kŏng thông tin mơ’no tơdrêng tung um mê khu pêi cheăng kŏng đoân hiăng mơjiâng.

Tơdroăng ki má 2 cho tối tơdroăng tơmiât pêi rơkê dêi mơngế pêi cheăng tung môi pơla pêi pro tung môi pơla pin châ tơƀrê lối 250 rơpâu troăng tơmiât pêi rơkê, pơ’lêh tơtro tâ dêi kuăn pơlê lâp tơnêi veăng ƀă kơlo tơdâng tơdjuôm dêi rêm hơnăm. Tơdroăng mê ăm hlo tâng pin ai tơdroăng ki pêi tơtro ƀă mâu tơdroăng pêi ki tơxâng, mơnhông ivá tơmiât pêi rơkê dêi mơngế pêi cheăng mê pin kô châ tơƀrê ƀă mơjiâng tơdroăng ki pơ’lêh ó rơdêi tung pêi cheăng tơmiât pêi rơkê dêi mơngế pêi cheăng’’.

A hên khu tê mơdró, tơdroăng mơhnhôk, thăm mơnhông tơdroăng tơ’noăng pêi cheăng rơkê, pêi cheăng tơmiât pêi rơkê ƀă nôkố cho ‘’1 rơtuh troăng tơmiât pêi rơkê – mơ-eăm tơkâ hluâ pá puât, pêi tơmiât rơkê, khŏm mơ-eăm ƀlêi trâng pơreăng kân COVID-19’’ hiăng ƀă dế kum khu kŏng nhân pêi cheăng mơnhông mơdêk ivá pêi cheăng, tơmiât pêi rơkê ƀă hía hé.

Ing mê, kum mơdêk ivá pêi cheăng, tơmeăm khoăng mơjiâng dâi lĕm, mơdêk ki châ tơƀrê tung mơjiâng pro tơmeăm khoăng, tê mơdró, kum kal khât tung mơnhông mơdêk dêi khu tê mơdró, kơvâ cheăng tiú đoân viên pêi cheăng tối krê, ƀă veăng kum tung mơnhông mơdêk cheăng kâ, rêh ối, pơlê pơla dêi tơnêi têa tối tơdjuôm.

VOV1 chêh

A Sa Ly tơplôu ƀă tơbleăng