Klêi kơ’nâi lối 10 khế pro, 3km troăng a ko văng Prenn hiăng pro klêi ƀă hiăng ăm 2 troăng rơxế kơtâu. Kố cho troăng ki xiâm, tơdjâp ƀă tíu xiâm Đà Lạt ƀă mâu kơpong ôm hyô ki kân môi tiah xí Datanla, kơpong ôm hyô tơnêi têa long Tuyền Lâm, Thiền viện Trúc Lâm ƀă mâu kơpong kuăn pơlê rêh ối tơprâ tơprŭng ối peăng hdroh dêi pơlê kong kơdrâm.

Tơdroăng ki ăm troăng prộ kố châ pơxiâm xúa ôh ti xê pêi pro châ tơdroăng ki rơhêng vâ lăm hyô ngăn, prôk lăm dêi tơmối ôm hyô ƀă kuăn pơlê a kong pơlê tung rôh Têt Lo hơnăm nếo hiăng vâ chê troh, mê ối veăng kum pro kơdroh tơdroăng ki hâ ho a mâu tíu xiâm. Nôkố lối 4km troăng ki u ối dêi văng Prenn sap ing xí Datanla chu troh a chêng văng dế châ pêi vâ klêi.

Vâ rak tơniăn văng Prenn ƀă ăm rơxế kơtâu a hdrối Têt khôi hmâ la ngiâ, Grup pơkuâ Đèo Cả dế thăm pơtroh mâu ngế cheăng, kơmăi kơmok, tơkŭm pêi tơ’nôm chôu tá hâi măng vâ ăm rĕng klêi.