Cho đông lêng cheăng kâ ki pro đông a 251km troăng tơkăng kong achê ƀă kong têa Lếo ƀă Kul a kơpong Tây Nguyên, nôkố Binh đoân 15 ai lối 15 rơpâu kŏng nhân, mơngế pêi cheăng, ki hên to kuăn ngo. 5 hơnăm hdrối mê hía nah, mơhé trâm hên xơpá, la Binh đoân xuân tơniăn liăn khế mơhá ăm mơngế pêi cheăng lối 6,5 rơtuh liăn/ngế/khế.

Rêm hơnăm, Binh đoân ‘măn 230 rơtal liăn vâ pê mâu tơdroăng păn roăng, kum tơ’nôm, rak ngăn ivá ƀă pêi pro tơdroăng “Pro hngêi tơtô Kŏng đoân, hngêi tuăn pâ mâu mố đô̆i’’. Nếo achê kố, tối tơbleăng a Hneăng hôp mâu kŏng đoân rôh má 5, Thiê̆u tươ̆ng Hoàng Văn Sỹ, phŏ hnê ngăn Đảng ủy, Ngế xiâm pơkuâ Binh đoân 15 ăm ‘nâi: “Mơngế Xuăn ki pêi cheăng ƀă mâu kuăn ngo rơtế tơrŭm dêi rơpó, kum dêi rơpó mơnhông cheăng kâ, trâm tơpui tơno ƀă dêi rơpó, mơhno túa lem tro. Kơxô̆ liăn kuăn pơlê hdroâng kuăn ngo pê lo tâk rĕng”.