Ƀuôn Ma Thuột hiăng ăm rơxế kơtâu troăng kân Đông Tây (troăng Võ Nguyên Giáp)
Thứ ba, 06:00, 31/10/2023
Tơplôu: A Sa Ly/VOV Tây Nguyên
Tơplôu: A Sa Ly/VOV Tây Nguyên
VOV4.Xơ Đăng - (Klêi kơ’nâi hên xôh hrá tiô pơkâ, kơxo lơ 30/10, Vi ƀan pơlê kong kơdrâm Ƀuôn Ma Thuột, kong pơlê Dak Lak tơkŭm po Leh phiu ro hiăng mơjiâng pro kêi đeăng troăng kân Đông Tây (pơ’lêh inâi cho troăng Võ Nguyên Giáp) tơdjêp tíu xiâm pơlê kong kơdrâm ƀă tơraih tơƀai Ƀuôn Ma Thuột ƀă troăng kân tơnêi têa 27 lăm kong pơlê Lâm Đồng.
Tâi tâng kơlo liăn mơ’no pro troăng kân klêi kơ’nâi hên xôh pơ’lêh cho lối 1.239 rơtal liăn, troăng kân xŏn 6,9 km, troăng a ko ing troăng kân Lê Duẩn – Đinh Tiên Hoàng ƀă tíu mơ’nui tơkoh troăng kân 27 – troăng kân Đam San mot a tơraih tơƀai Ƀuôn Ma Thuột.
Tơdroăng ăm prôk lăm drô troăng kân kal khât tung mơdêk tơdjêp troăng klông pơla mâu tơring tung kong pơlê, mơjiâng tíu ki tơdế xiâm peăng mâ hâi lo – peăng hdroh dêi pơlê kong kơdrâm, tơdâng tơ’mô tơ’lêi hlâu troăng klông ing tíu xiâm pơlê kong kân lăm troăng kân tơnêi têa 27, tơraih tơƀai Ƀuôn Ma Thuột; chôa ‘lâng po rơdâ tíu kơdrâm kuăn pơlê rêh ối dêi pơlê kong kơdrâm. Tơdrêng amê, kơdroh chôm troăng kân tung kơpong tíu xiâm a chôu ki kuăn pơlê pơtê cheăng vêh a hngêi.
Viết bình luận