VOV4.Xơ Đăng - Kơxo lơ 8/4, Khu kăn Đảng pơlê kong kân, Vi ƀan pơlê kong kân Cần Thơ hiăng tơkŭm po hôp to mâu ngế pơkuâ, mâu ngế rơkê ƀă Khu răk ngăn mâu hngêi cho khôp Phop Nam tông Khmer, mâu ngế kuăn pơlê pâ nhoăm tung pơlê kong kân Cần Thơ vâ rơkâu Têt Chôl Chnăm Thmây ƀă tơdroăng ‘na pêi pro hnê mơhnhôk kuăn pơlê hơnăm 2021, tơdroăng vâ pêi tung hơnăm 2022.

Hơnăm 2021 cho hơnăm ai hên tơdroăng xơpá, pơloăng mơnúa xua tơdjâk kong prâi pro ôh tá tơniăn, maluâ tro pơreăng COVID-19 la pơlê kong kân Cần Thơ hiăng kum xoăng mơngế vâ pêi hên tơdroăng tơkêa bro ki kân vâ ai luât pơkâ tŏng kum hdroâng kuăn ngo châ pêi pro tŭm, tơ-brê. Pơlê kong kân dế tơkŭm tơbleăng pêi tơdroăng mơnhông cheăng kâ, mơhno túa le\m tro, rêh ối pơlê pơla vâ mơdêk pơlê kong kân Cần Thơ; tơbleăng tơdroăng pơkâ mơnhông cheăng kâ -rêh ối kơpong kuăn ngo ƀă kong ngo pơla hơnăm 2021-2030, xuân môi tiah tơdroăng cheăng ‘na kuăn ngo pơla hơnăm 2021-2030, mâu tơdroăng vâ pêi pro troh hơnăm 2045. Kố cho rôh ki vâ mâu kong pơlê ai hên tíu tơ’lêi hlâu tơmâng, mơdêk tơdroăng rêh ối mâu kuăn ngo.

A Sa Ly tơplôu [ă tơbleăng