Tơpui tung tơdroăng tơkêa bro Luât ‘mâi rơnêu, tơ’nôm mâu troăng dêi Luât Lý lĭch tư phap, pôa Phạm Minh Chính, Ngế pro xiâm hnê ngăn tơnêi têa tối, tơdroăng tơkêa bro Luât pơkâ pơtroh Khu xiâm pơkuâ Kŏng an pơkuâ ‘na lý lĭch tư phap cho troăng kơdroh pro mơ-éa, kơdroh troăng ki tung dế ăm kuăn pơlê, khu tê mơdró, mâu kơ koan, pêi pro rah xo bro lế lĕm tro khu pêi cheăng tơnêi têa, pêi cheăng châ tơƀrê, xêt khât ƀă châ hôm khât.

Ngế pro xiâm hnê ngăn tơnêi têa pơkâ thế Khu xiâm Kŏng an pơtối séa ngăn mâu pơkâ dêi lâp plâi tơnêi, mâu ngế rơkê, mâu ngế ki tro tơdjâk vâ kêi đeăng luât, tơniăn pêi pro drêng tơbleăng. A roh hôp, mâu ngế cheăng Chin phuh tối tung Tơdroăng tơkêa bro Luât hnê hriâm đăi hok (teăng); Tơdroăng tơkêa bro Luât hnê hriâm cheăng pêi (teăng); Tơdroăng tơkêa bro Luât Hlá tơbeăng (teăng) ƀă pơkâ dêi Chin phuh ‘na Tơdroăng mơjiâng luât hơnăm 2026.