Tơkŭm tơleăng mơnhên mâu ngế ai xôi tong tơmeăm, mâu ki ăm vâi mung liăn tơvêh tơkâ hên, mâu ki tê tơmeăm ôh tá xê khât, tơmeăm ôh tá lĕm, mlŏi pơtô; kế chiâng pơtôu; mơdêk séa ngăn nhên vâ tơniăn ‘na troăng prôk...

Kố cho mâu tơdroăng cheăng pêi châ Kŏng an kong pơlê Dak Lak tơmâng khât tơbleăng pêi tung rôh lăm tăng rup mâu ngế ai xôi, vâ rak tơniăn hdrối Têt, tung pơla ƀă klêi kơ’nâi Têt Lo hơnăm nếo Giáp Thìn 2024”.

Ing mê, rôh lăm tăng rup mơngế ki ai xôi vâ rak tơniăn tung rôh kố châ Kŏng an kong pơlê Dak Lak tơbleăng pêi sap hâi lơ 15/12/2023 troh tâi hâi lơ 29/2/2024. Tâi tâng mâu kŏng an kô tơkŭm tí tăng ‘nâi mâu tơdroăng a pơlê cheăm, mơdêk lăm séa ngăn, teăm tơdrêng vâ châ ‘nâi, tơplâ mơdât mâu ki xôi tơtrâ mâu ngế cheăng rup, pôi tá ăm ai tơdroăng khu ‘mêi pro ôh tá tơniăn, kring vế tơniăn mâu pơkâ ki kal. Tơkŭm lăm séa ngăn tung pơlê cheăm ki ai tơdroăng ôh tá tơniăn, mơhnhôk hên ngế, rơxế, mâu ngế lăm tăng rup mâu ki xôi.