VOV4.Xơ Đăng - Tung mâu hâi pơtê po Xối tơbâ pơtau Hùng, krâm tơmối troh Đà Lạt, Lâm Đồng. A tíu xối tơbâ Âu Lạc tung inâi tơnêi tíu ki lĕem râ tơnêi têa kơpong ôm hyô Prenn hiăng tơkŭm po leh xối tơbâ pơtau Hùng, tơ’mot krâm tơmối  ƀă kuăn pơlê tung kong pơlê troh. Ƀă pơxái “Ki tĭng dêi xiâm rêi”, leh xối tơbâ pơtau Hùng po krip, ai 3 tơdroăng pro leh xối mơdĭng ki xiâm mê cho: Leh xối mơdĭng pơtau Hùng po kân krip, ai 3 tơdroăng mê cho: Khu ki têk pleăng tơmeăm  xối, khoh xôi tiô khôi hmâ ƀă têk nháng tơbâ xiâm riê a mâu tíu xối tơbâ Đền Thượng, trung, Hạ.

Krâm tơmối troh Đà Lạt tung hâi xối tơbâ

Pakĭng pro leh mơdĭng, tung tơdroăng po leh mơdĭng xối tơbâ pơtau Hùng hơnăm kố, kong pơlê Lâm Đồng ối tơkŭm po mâu tơdroăng mơđah hơdruê xoâng, mâu tơdroăng xâh hêi tiô chal krâ nah mê cho: hếo loăng  pik têa rơmâ, xuâng kơ’nŏng loăng kêp, kât mâ pâm hdro, tơ’noăng cờ tươ̆ng, po kơchô peăng kơxê rôe tơmeăm pơlê xiâm... vâ tơbâ mâu tơdroăng mơhno túa lê̆m tro dêi chal krâ nah ki hmâ pêi pro ing nah troh nôkố dêi kuăn pơlê Việt Nam.

Gương tơplôu ƀă tơbleăng