Ƀă pơlê kong kân Đà Nẵng, nôkố ai 13 tơdroăng tơkêa bro dêi Siam ối xêt khât ƀă tâi tâng kơxô̆ liăn mơ’no dâng 60 rơtuh dollars Mih, tơkŭm tung mâu kơvâ cheăng tê mơdró, tê ‘ngré, pêt mơjiâng tơmeăm, pơchoh chêp hmân ếo, pro kế tơmeăm, mơjiâng kế tơmeăm khoăng.

Nôkố, Đà Nẵng ai 57 tơdroăng tơkêa bro dế kơbông krếo khu mơ’no liăn cheăng a hên kơvâ cheăng. Kơchơ tê mơdró lâp plâi tơnêi mơdró – ôm hyô – mơ’no liăn cheăng troăng cheăng kâ Đông – Tây đi đo châ tơkŭm po a Đà Nẵng, mơhnhôk tơdroăng ki veăng hên, châ tơƀrê dêi mâu khu tê mơdró Siam.

Xông tơpui a hneăng hôp, pôa Hồ Kỳ Minh, Kăn phŏ hnê ngăn Vi ƀan pơlê kong kân Đà Nẵng pói vâ, Hneăng hôp cho kông tơdjêp, xêt khât troh mâu khu mơ’no liăn cheăng kong têa Siam ƀă tá mâu khu mơ’no liăn cheăng tung tơnêi têa troh ƀă Đà Nẵng. Khu râ kăn pơkuâ pơlê kong kân Đà Nẵng tơkêa tŏng kum, pro tơ’lêi hlâu hên vâ mâu khu mơ’no liăn cheăng kong têa Siam ƀă mâu khu mơ’no liăn cheăng tung tơnêi têa pêi pro tơdroăng tơkêa bro, pêi cheăng kâ tê mơdró châ tơƀrê a Đà Nẵng.