Đà Nẵng tơkŭm po trâm mâ lối 2 rơpâu ngế kăn ƀô̆ mâu lêng ki hiăng pơtê cheăng xua hơnăm hiăng krâ
Thứ năm, 06:00, 21/12/2023
Tơplôu: Gương/VOV
Tơplôu: Gương/VOV
VOV4.Xơ Đăng - Drêng troh leh tơbâ 79 hơnăm Hâi mơjiâng Khu lêng Kuăn pơlê Việt Nam, 34 hơnăm Hâi leh Mố đô̆i gak tơkăng kong tâi tâng kuăn pơlê, kơxo hâi lơ 20/12, a pơlê kong kân Đà Nẵng tơkŭm po trâm mâ lối 2.000 ngế kăn lêng, sih quan lêng râ Đăi tă, Thươ̆ng tă ƀă mâu kăn xiâm, kăn pơkuâ râ Trung đoân ƀă ki tơdâng tơngi klêng.
A rôh trâm mâ, Kăn xiâm hnê ngăn Vi ƀan pơlê kong kân Đà Nẵng nhoăm mơnê hnoăng veăng ‘no dêi rêm râ Khu lêng hơnăm hiăng krâ pơlê kong kân tung mâu tơdroăng mơhnhôk tơ’noăng “Mâu lêng hơmăn hiăng krâ djâ troăng ahdrối”; “khu lêng hơnăm hiăng krâ kum dêi rơpó kơdroh kơklêa pêi cheăng kâ” ƀă hên túa pêi cheăng ki ‘ló tro.
Teăng mâ Kăn hnê ngăn pơlê kong kân, Kăn hnê ngăn Vi ƀan Pơlê kong kân Đà Nẵng púi vâ tung la ngiâ, rêm râ Khu mâu lêng hơnăm hiăng krâ pơtối pleăng hnoăng cheăng tơná veăng pêi tơdroăng cheăng tơ’noăng dêi rơpó; mâu kăn lêng, sih quan tung lêng hiăng pơtê cheăng ki ai hên hnoăng veăng ‘no tung mơnhông tơdjuôm pơlê kong kân.
Viết bình luận