Kơxo hâi lơ 27/0, Liên đoân mâu kăn ƀă Khu mơdró hơnăm ối nếo lâp plâi tơnêi (JCI) a Việt Nam tơrŭm ƀă Khu kơdrâi ki mơdró kâ dêi pơlê kong kơdrâm Ƀuôn Ma Thuột ƀă khu pơkuâ ngăn Đoân Droh rơtăm Čư Mgar tơkŭm po tơdroăng diâp ăm kơmăi tính ƀă hlá mơ-éa hriâm ăm mâu vâi o hngêi trung râ má môi Y Jut, cheăm Ea HĐing, tơring Čư Mgar, kong pơlê Dak Lak.

Tơdroăng mê hiăng diâp ăm 30 toăng kơmăi vi tính ƀă 2 rơpâu kơxop hlá mơ-éa hriâm kơnâ vâ chê 200 rơtuh liăn. Tiô pôa Nguyễn Xuân Nhạc, Ngế pơkuâ hngêi trung râ má môi Y Jut, hngêi trung nôkố ai 67 ngế hok tro, tung mê, ai hok tro kuăn ngo châ lối 70% mâu kơmăi vi tĭnh ƀă kơxop hlá mơ-éa ƀă kơxop hlá mơ-éa hơ’muăn kum vâi o hok tro châ hriâm ngăn mâu tơdroăng ‘na tin hok, pê kơmăi kơmok ƀă mơdêk hlê plĕng túa lĕm tro pơchuât ngăn hlá mơ-éa.

Ing mê, vâ ai tơ’nôm ivá vâ mâu vâi o thăm rế mơ-eăm hriâm. Tơdrêng ƀă tơdroăng diâp ăm kơmăi vi tĭnh ƀă kơxop hlá mơ-éa ăm hok tro hngêi trung râ má môi Y Jut , tung mê kơmăng hâi lơ 27/9, tíu pêi cheăng ối tơkŭm po “Trung thu ăm vâi o” ƀă hlối diâp 400 kơxu tơmeăm ăm mâu vâi o a ƀuôn Drao, cheăm Cư Dliê M’Nông, tơring Čư Mgar.