Ƀă dó inâi ‘’Droh rơtăm djâ troăng ahdrối, pleăng hnoăng cheăng xua tơdroăng rêh ối pơlê pơla’’, hên tơdroăng châ tơkŭm po rơtế tung lâp kong pơlê môi tiah Hâi tĭng ngiât lĕm, hâi Pleăng hnoăng cheăng mơjiâng tíu kơdrâm kuăn pơlê rêh ối tê mơdró rơkê, lo lăm lăm pêi cheăng khu ki hnê xúa kŏng ngê̆ ăm pơlê pơla. Khu pơkuâ Droh rơtăm Việt Nam kong pơlê Dak Lak tối ăm ‘nâi, hluâ 3 măng tĭng pêi pro mâu tơdroăng khế Droh rơtăm, hiăng ai vâ chê 220 khu ki pleăng dêi hnoăng cheăng, pêi pro lối 200 tơmeăm, tơdroăng cheăng a mâu tíu kuăn pơlê rêh ối.

Vâ chê 160 khu hnê xúa kŏng ngê̆ ăm mâu ngế ôh tá hâi ‘nâi châ mơjiâng, veăng tŏng gum hnê xúa kŏng ngê̆ ăm kuăn pơlê. Droh rơtăm lâp kong pơlê xuân veăng tơlo kơxô̆ liăn, hâi pêi cheăng mơjiâng 25 toăng hngêi tung tơdjuôm ivá têa tah lôi hngêi pơtân, hngêi xi kơchoh pro ăm hngêi nếo. Rơtế ƀă mê, rơxông ối nếo lâp kong pơlê hiăng pêi pro Pơkâ kơxô̆ 57 –NQ-TW dêi Khu xiâm kal kí ‘na mơnhông khoa hok, kŏng ngê̆, pơhlêh nếo tơmiât pêi rơkê ƀă pơhlêh xúa kŏng ngê̆ tơnêi têa.