VOV4.Xơ Đăng - Tơdjâk troh rôh ko ‘nhiê kong ki hên a Poh 238, cheăm Ea {ung, tơring Ea Súp, kong pơlê Dak Lak,  a hâi lơ 28/4, pôa Nguyễn Thiên Văn, kăn pơkuâ ngăn Đảng ủy tơring tơbleăng tơdroăng, kơ koan ki ai tơdjâk hiăng ‘nâi mâu ngế ki ai tơdjâk troh rôh ko ‘nhiê kong kố. Nôkố, kơ koan ki ai tơdjâk dế rup pơtân 4 ngế vâ séa ngăn, pơxâu phak tơdroăng ki pro xôi.

Troh nôkố, Kŏng an tơring Ea Súp dế pro hồ sơ vâ pơsăm tối, khu ki pro xôi ko ‘nhiê kong kố a Poh 238, 239 ối tung cheăm tơkăng kong Ea {ung. Vi ƀan hnê ngăn cheăm Ea {ung (tíu pêi cheăng pơkuâ rak ngăn kong) ƀă Khu rak ngăn loăng pơlái kuăn kiâ kong tơring xuân dế riân ngăn mâu loăng ki kố xuân môi tiah ƀăng tơnêi kong ki tro ko ‘nhiê.

Katarina Nga tơplôu ƀă tơbleăng