Pơlê pro xup kơxŏng khăng Chi Lăng a bêng Khánh Xuân, pơlê kong kơdrâm Ƀuôn Ma Thuột, kong pơlê Dak Lak “eăng on” tá hâi ta kong măng vâ “pro xup miê̆n” tê tung rôh têt. Pôa Hà Văn Thích, môi tung mâu rơpŏng ki ai lối 20 hơnăm cheăng pro miê̆n kố ăm ‘nâi: Hơnăm kố, mâu đơn ki vâi kok roê tung pơla Têt tâk dâng 40% tâng vâ ƀă hâi tiah hmâ ƀă tâk 10% tâng vâ pơchông ƀă hơnăm hdrối.

Vâ pro châ tiô tơdroăng xup miê̆n ki vâ kok roê, tíu pro kố dêi pôa athế thăm mơdêk tơ’nôm ngế ki pro, tơ’nôm hâi chôu pro tá hâi măng vâ ai tơmeăm pêi lo pơtroh ăm tơmối hdrối Têt Lo hơnăm nếo. Ƀă kŏng ti tơlo liăn Ba Mê Green Farm, môi khu mơdró kâ ki hmâ pêt ƀă tê plâi tô mât a Dak Lak xuân dế thăm mơdêk krí vâ tê ăm kơchơ tê mơdró xúa tung rôh Têt. Rơtế ƀă tê plâi tô mât ối drêh, kŏng ti ối tơbleăng tê mâu tơmeăm uâ pơliê, môi tiah: têa pơhriâ plâi tô mât tâ tung kŏng kếo ƀă plâi tô mât têng rơmuăn, têa măm plâi tô mât, têa chôu pro ing plâi tô mât tơtro vâ pro tơmeăm hbru, diâp tung rôh Têt.