Hluâ 2 hơnăm pêi pro tơdroăng pơ’lêh pêi cheăng xúa kŏng ngê̆, apoăng, Dak Lak hiăng mơjiâng châ tơdroăng kum mơnhông mơdêk khu râ kăn pêi cheăng xúa kŏng ngê̆ điên tưh, tơmiât tro khu râ kăn pêi cheăng xúa kŏng ngê̆ a mâu râ, kum tung hnê mơhno pơkuâ, kum mơdêk châ tơƀrê, pêi tơƀrê pơkuâ ƀă mơdêk pơ’lêh tung pơkuâ tơnêi têa.

Troh nôkố, 100% pêi cheăng xúa măng tung lâp kong pơlê chiâng vâ tơbleăng tung hên kŏng ngê̆ phá tơ-ê dêi pó, mê tá phôn râng kŏng. 95% hô sơ tơdroăng cheăng a râ kong pơlê; 50% râ tơring ƀă 20% râ cheăm châ pêi tiô troăng măng.

A hneăng hôp, teăng mâ mâu khu kơvâ kong pơlê hiăng tơkŭm tơpui tơno ‘na khu râ kăn pơkuâ pêi cheăng xúa kŏng ngê̆, cheăng kâ xúa kŏng ngê̆, pơlê pơla pêi cheăng xúa kŏng ngê̆; Pơ’lêh xúa kŏng ngê̆ tung pêi chiâk deăng, khăm pơlât, hnê hriâm, pơkuâ tíu kơdrâm kuăn pơlê rêh ối. Ing mê, ai mâu pơkâ pâ thế vâ tơdroăng pơ’lêh a kong pơlê châ mơdêk pêi pro rĕng ƀă tŭm têk tâ, teăm tơdrêng troăng prôk tơdjuôm dêi lâp tơnêi têa.