Kơxê lơ 20/12, Kŏng an kong pơlê Dak Lak tơkŭm po Rôh hôp ‘no tơdrêng ing troăng hyôh internet ƀă mâu tơring, pơlê kong kơdrâm tung kong pơlê vâ mơnhên tối tơdroăng, troăng hơlâ hbrâ mơdât xôi luât, tơdroăng xía vâ tơdjâk troh mlŏi trếo pơtôu tung mâu hok tro. Tiô tối tơbleăng a rôh hôp, bu tung măng tĭng kố a Dak Lak hiăng ai 12 rôh, 57 ngế hok pro mlŏi, hên hok tro tro rong.

Kơ koan ki ai tơdjâk troh hiăng rup xo lối 27 kg trếo ki vâ xúa pro mlŏi, vâ chê 300 pŭm mlŏi ki vâi pro xêh. Ki rơhêng vâ tối cho hên rôh ki pro xêh mlŏi ai tơdroăng veăng dêi hên hok tro ƀă hiăng ai rôh xâu xía xua mlŏi pơtôu. Kơ koan kŏng an hiăng tơbleăng tơdâng, pơkâ hên troăng vâ hbrâ mơdât, plâ mơdât tơdroăng ki roê trếo pơkeăng vâ pro mlŏi tung mâu rơxông ối nếo malối cho hok tro; tơrŭm hnê tối, mơhnhôk kuăn pơlê malối cho nôu pâ dêi mâu hok tro, mơdêk ki hlê plĕng pêi pro tro tiô luât ‘na pơkuâ ngăn, mơjiâng pro, pơto chơ, xúa mlŏi.