VOV4.Xơ Đăng - Nôkố, mâu tíu pêi cheăng tơdah tơmối troh, pơtê ƀă mâu tíu mơdró ôm hyô a kong pơlê Dak Lak hiăng hbrâ mâu tơdroăng ki tro má môi tung tơdah tơmối troh pơtê drêng troh leh tơbâ lơ 30/4 ƀă lơ 1/5. Tiô Khu xiâm ngăn mơhno túa lê̆m tro, Tơ’noăng ivá ƀă Ôm hyô kong pơlê Dak Lak, troh nôkố, 225 tíu ăm tơmối pơtê ối, hngêi ăm tơmối kâ koi ối pơtê a pơlê kong kơdrâm {uôn Ma Thuột tơmối hiăng chêh inâi vâ ối pơtê hiăng vâ tâi veăng vâ tối ôh tá ai veăng ki lâi lôi.

Kơxô̆ tơmối chêh inâi hdrối troh hên cho tơmối lo ing Pơlê kong kân Hồ Chí Minh, Hà Nội ƀă mâu kong pơlê Khánh Hòa, Bà Rịa Vũng Tàu, Bình Dương, Bình Phước… Vâ tơmối ai môi roh pơtê sôk ro ƀă hlối tơniăn, Dak Lak pơkâ thế mâu tíu mơdró ‘na ôm hyô pơkâ tro mâu yă tơmeăm, tơdroăng mơdró kâ ƀă tơhrâ ôh tá chiâng ăm ai todroăng klâi, pôi tá ai tơdroăng pơkí kơbong ối pơtê, râk veăng ối pơtê; pôi tá pro to kơnâ yă liăn vâ tah xêh ki pơxúa ăm tơná ôh tá tro luât. Tơdrêng amê, mâu tíu mơdró kâ ôu thế pêi krúa kế kâ.

Pakĭng mâu tíu mơdró ôm hyô kal thế rak tơniăn ‘na veăng ối, mơdât pơreăng COVID-19; tơpui hlế rơkê, tơpui tro kơ luât ƀă mâu tơmối F0 ki troh a Dak Lak.

Gương tơplôu ƀă tơbleăng