VOV4.Xơ Đăng - Kơxo lơ 8/4, Ƀơrô ngăn hnê hriâm ƀă hnê mơjiâng tuăn ngôa rơkê pơlê kong krâm Buôn Hồ, kong pơlê Dak Lak tối, tung pơlê kong krâm nếo ai môi ngế hok tro lâm 8 chêh ‘măn kơthô hdrối vâ hlâ klêi mê hdriê dêi rơnŏng hlâ. Hok tro ki kơdê dêi tơná mê cho o B.D.K lâm 8A2, hngêi trung râ má péa Ngô Mây. Rơpŏng hngêi tăng hlo môi kơthâ kơthô o K chêh tơdroăng tâ tơdroăng rêh ối pá puât ó khât ‘nâng.

Hdrối mê, tiô tối tơbleăng dêi Hngêi trung râ má péa Ngô Mây, kơxo lơ 6/4 lâm  8A2 ôh tá ai thời khoă biểu hriâm online. Drêng mê o K ai xâh điê̆n tưh klêi mê nôu gá hôu. Klêi tâi tâng mâu ngế tung rơpŏng hngêi hiăng lo a kơdrum krí tiu troh 9 chôu oh tá hlo K lo mot tăng hlo K hiăng hdriê dêi rơnŏng tung hngêi pế pơchên hmê kâ.

Klêi châ hlo mâu ngế tung rơpŏng hngêi hiăng krếo mơdêi, djâ o lăm pơlât tơdrêng la ôh pa teăm. Klêi ai tơdroăng mê, kŏng an pơlê kong krâm {uôn Hồ xuân hiăng mot ngăn mơnhên. tiô tối dêi Hngêi trung râ má péa Ngô Mây, Ka cho hok tro ki hlê, ai tuăn ‘nâi mơ-eăm tung hhriâm ƀă kơhnâ hriâm, hlối loi nguăn. Hriâm kỳ 1, hơnăm 2021-2022, K châ pơxá hriâm khá, hạnh kiểm lê̆m hôm. o K ôh tá ai xếo pâ, nôkố rêh ối ƀă dêi nôu.

Gương tơplôu [ă tơbleăng