VOV4. Xơ Đăng - Kơxê lơ 15/6, Khu kăn Đảng ủy kong pơlê Dak Lak tơkŭm po hneăng hôp mơgêi tơdroăng pêi pro tiô pơkâ kơxô̆ 10/2022 dêi Khu xiâm kal kí ‘na mơnhông mơdêk cheăng kâ - rêh ối pơlê pơla, tơniăn ‘na cheăng lêng - tơniăn kơpong Tây Nguyên dêi hneăng 2001- 2010 ƀă tối mơgêi kơxô̆ 12/2011 dêi khu xiâm kal kí hneăng má 11 ‘na pơtối pêi tơdroăng pơkâ kơxô̆ 10/2022 dêi khu xiâm kal kí (hneăng 9) mơnhông kơpong Tây Nguyên pơla hơnăm 2011-2020.

Dak Lak: Hôp mơgêi tơdroăng pêi tiô pơkâ kơxô̆ 10 ƀă mơgêi kơxô̆ 12 dêi Khu xiâm kal kí ‘na mơnhông mơdêk kơpong Tây Nguyên

Tiô tối tơbleăng a hneăng hôp, pơla hơnăm 2001 - 2020, tơdroăng cheăng kâ dêi kong pơlê Dak Lak mơdêk riân rêm ngế vâ chê 14%; ki kân ‘na cheăng kâ tâk vâ chê 11 hdroh, ing lối 5.600 rơtal liăn hơnăm 2002 tâk troh 61 rơpâu 800 rơtal liăn a hơnăm 2020, pêi cheăng châ xo tơ’mot liăn rêm ngế a kong pơlê châ ’mâi pơ’lêh, hơnăm 2020 châ vâ chê 54 rơtuh liăn/ngế/hơnăm, tâk luâ 18 hdroh tâng vâ pơchông ƀă hơnăm 2002, kơxô̆ rơpŏng kơtiê tiô pơkâ pơla hơnăm 2016-2020 ối 6,3% a mơ̆nui hơnăm 2021.  Tơdroăng rêh ối tuăn tơmiêt dêi kuăn pơlê rế ton rế châ pơ’lêh.

Tối mơgêi a rôh hôp, Khu kăn Đảng ủy kong pơlê Dak Lak pơkâ mâu khu râ Đảng ủy, mâu kăn pơtối mơdêk hnoăng cheăng pêi dêi tơná, ‘na tuăn ngôa rơkê tung veăng hnê tối, pâ thế, tối mâu tơdrăng tơbleăng ăm Tíu xiâm vâ ai troăng rơhlâ pơkâ  ki nếo, tơ’lêi nếo, tung mơnhông kơpong Tây Nguyên tung la ngiâ.

Gương tơplôu ƀă tơbleăng