Mâu kăn hiăng hriăn ngăn, séa ngăn ‘na tơdroăng pơkâ kơxô̆ 35 dêi Khu xiâm pơkuâ tơdroăng kal kí ‘na Hneăng hôp Đảng ƀô̆ rêm râ pêi pro troh hneăng hôp khu kăn lâp tơnêi têa rôh má 14 dêi Đảng; Túa pơkâ kơxô̆ 232 dêi Khu pơkuâ ngăn Đảng ƀô̆ kong pơlê ‘na tơkŭm po Hneăng hôp Đảng ƀô̆ rêm râ pêi pro troh hneăng hôp khu kăn Đảng ƀô̆ kong pơlê rôh má 18 ƀă Hneăng hôp khu kăn lâp tơnêi têa rôh má 14 dêi Đảng; Hnê mơhno kơxô̆ 27 dêi Khu tơrŭm Tơnêi têa ƀă Hnê mơhno kơxô̆ 05 dêi khu pơkuâ ngăn Đảng hnê mơhno mâu tơdroăng ki xiâm ‘na hneăng hôp Đảng ƀô̆ rêm râ tro hneăng hôp Hneăng hôp khu kăn Đảng ƀô̆ kong pơlê rôh má 18, pơla hơnăm 2025 – 2030.

Pôa Nguyễn Đình Trung, Kăn pơkuâ hnê ngăn cheăng Đảng Dak Lak pơkâ thế, tung pơlê hbrâ po hneăng hôp, kal tơtrŏng troh hnoăng cheăng mâu ngế pêi cheăng.