Hơnăm 2022, tâi tâng kơxô̆ liăn nâp ăm tơnêi têa dêi kong pơlê Dak Lak châ lối 8.900 rơtal liăn, châ lối 141% kơxô̆ liăn Tơnêi têa pơcháu, 119% kơxô̆ liăn Hô̆i đong hnê ngăn kong pơlê pơcháu, tâk lối 30% tâng vâ pơchông ƀă khế kố hơnăm 2021.

Tung mê, nâp hnoăng liăn mơhá, liăn ƀă kơxô̆ liăn xua kơvâ cheăng nâp hnoăng mơhá pơkuâ ngăn xo cha lối 5.800 rơtal liăn, châ lối 127% tâng pơchông ƀă kơxô̆ liăn Tơnêi têa pơcháu ƀă tâk lối 15% tâng pơchông ƀă kơxô̆ liăn Hô̆i đong hnê ngăn kong pơlê pơcháu.

Châ tơdroăng kố, pakĭng mâu ivá mơ-eăm dêi kơvâ nâp hnoăng liăn mơhá, ối ai tơdroăng ki veăng rơtế kum kân dêi mâu khu pú hên, mâu ngế krê dêi nâp hnoăng liăn mơhá. 235 khu pú hên, mâu ngế krê nâp hnoăng liăn mơhá ki châ Khu xiâm ngăn liăn ngân, Vi ƀan hnê ngăn kong pơlê, Khu xiâm nâp hnoăng liăn mơhá kong pơlê Dak Lak khĕn kơdeăn, pơ-ôu pơ-eăng khĕn kơdeăn a Rôh hôp cho tơdroăng ki tơmâng xo ăm mâu ivá veăng kum dêi vâi.