VOV4.Xơ Đăng - Drêng tơbâ 81 hơnăm hâi mơjiâng Đội Khu vâi hdrêng Hồ Chí Minh (15/5), Khu pơkuâ ngăn Đoân Droh rơtăm Dak Lak tơkŭm po Tơdroăng khĕn kơdeăn mâu vâi hdrêng pêi pro tro 5 tơdroăng ki Pôa Hồ hnê. A rôh po tơdroăng, mâu kăn rơtế hơ’muăn tối khôi hmâ 81 hơnăm dêi Đô̆i vâi hdrêng Hồ Chí Minh, cho rôh ki hiăng tơkâ luâ ƀă mâu tơdroăng cheăng dêi mâu phô̆m vâ xông kân Dak Lak veăng kum tung kơdrum reăng rơpâu tơdroăng cheăng pêi ki tro vâ rơtế mơjiâng pơlê cheăm kro mơdrŏng.

Dak Lak: Khĕn kơdeăn 40 ngế vâi hdrêng ki rơkê pêi pro 5 tơdroăng ki ‘ló dêi Pôa Hồ hnê

Ki xiâm cho tơdroăng cheăng, tơ’noăng pêi pro tro 5 tơdroăng Pôa Hồ hnê; tơrŭm kum pú troh hngêi trung rơtế tơmiât troh tơdroăng tung la ngiâ, mâu tơdroăng pêi pro Trần Quốc Toản, Tơrŭm mâu vâi pú ƀă hên ki ê ƀă mâu tơdroăng cheăng pâ mơnê troh mâu ngế ai hnoăng, ôu têa pâ kơnhŏng.

Sap ing tơdroăng tơ’noăng kố hiăng hlo ai mâu ngế ki djâ troăng ahdrối tung mâu phô̆m vâ xông kân, kơhnâ rơkê. Drêng kố, ai 40 ngế mâu phô̆m vâ xông kân tung tơdroăng tơ’noăng pêi pro tro 5 tơdroăng Pôa Hồ hnê châ khu pơkuâ ngăn Đoân  ƀă Hô̆i đong kong pơlê Dak Lak khĕn kơdeăn.

Katarina Nga tơplôu ƀă tơbleăng