Khu tơrŭm po hiăng diâp ăm ƀâng kơdeăn khĕn dêi mâu Khu ngăn hnê hriâm ƀă hnê mơjiâng tuăn ngôa rơkê ăm 58 ngế thái cô ki châ pơxá “Thái cô hơnăm ối nếo kơhnâ rơkê” ra kong pơlê; diâp tơmeăm ƀă hlá mơ-éa mơnhên ăm 63 ngế hok tro ki châ pơxá “Học tro hriâm 3 tơdroăng ki tro” râ kong pơlê; khĕn kơdeăn 2 ngế hok tro châ pơxá inâi “Học tro hriâm 3 tơdroăng ki lĕm tro” râ xiâm tơnêi têa ƀă trâm tơpui tơno ƀă mâu ngế pêi pro tiô troăng lĕm “Thái cô hơnăm ối nếo” ƀă “Hok tro hriâm 3 tơdroăng ki tro” kơhnâ rơkê.

Rôh kố a kong pơlê Dak Lak xuân po tơdroăng trâm mâ tơbâ tơdroăng ton nah ƀă khĕn kơdeăn 41 khu pú hên ƀă mâu ngế châ pơxá inâi “Sinh viên pêi pro 5 tơdroăng ki lĕm tro” râ kong pơlê; hbru tơmeăm ăm sinh viên Lếo ki dế hriâm a hngêi trung Đại học Tây Nguyên ƀă diâp hnoăng liăn “Bâ eăng tơdroăng púi vâ hơnăm ối nếo Dak Lak”.