Tung 2 hâi po tơ’noăng, 19 đô̆i, 183 ngế hok tro tơ’noăng a 3 tơdroăng: Koh, pêi mâu tơdroăng drêng trâm ƀă pro pơro hnê mơhnhôk rơkê. Tơdrăng tơ’noăng tí tăng ‘nâi plĕng mâu tơdroăng, troăng rơhlâ dêi Đảng, luât tơnêi têa ƀă tuăn mơno Hồ Chí Minh  ‘na tơdroăng hnê mơhnhôk.

Mâu tơdroăng hnê mơhnhôk hlo ai khât hiăng châ tơleăng mơnhên, tơleăng a kong pơlê, kơ koan, tíu pêi cheăng. Tơkŭm hên a mâu tơdroăng tơbriât tơnêi, tơdroăng tơhôu tơhêng ki nếo ai tung kuăn pơlê; luât pơkâ tŏng kum hdroâng kuăn ngo, loi tĭng, tiô khôp, tơdroăng cheăng chêl thiăn, tơvêh tơnêi.

Tiô khu tơkŭm po, khu tơ’noăng ‘’hnê mơhnhôk rơkê, hơnăm kố a mâu kơ koan cheăng dêi tơnêi têa râ kong pơlê cho tơdroăng kal kí ai pơxúa tung tơdroăng hnê mơhnhôk. Ing mê, vâ mơdêk hlê plĕng hnoăng cheăng  pêi dêi mâu kăn ƀô̆, đảng viên, kŏng chưk, viên chưk tung mâu kơ koan tơnêi têa ‘na troăng rơhlâ dêi Đảng, luât tơnêi têa ‘na tơdroăng hnê mơhnhôk.