VOV4.Xơ Đăng - Kơxo lơ 13/7, Khu ngăn cheăng kơmăi kơmok ƀă tê mơdró kong pơlê Dak Lak pơkuâ po rôh hôp tơrŭm ƀă Khu mơdró kâ Ƀuôn Ma Thuột tơkŭm po Leh kĭ tơkêa tơdroăng cheăng tung la ngiâ pơla mâu khu ki mơjiâng pro tê mơdró kế tơmeăm OCOP dêi Dak Lak ƀă khu ki tê vâ ăm kế tơmeăm kố châ mot tung mâu siêu thĭ dêi grup Central Retail.  

Mâu khu mơdró kâ kĭ tơkêa tơrŭm ƀă grup pơkuâ Central Retail

Tiah mê, 11 khu mơdró kâ cho khu tởŭm ai kế tơmeăm ki châ mơnhên OCOP hiăng kĭ tơkêa ăm kế tơmeăm kố mot tung siêu thĭ GO Ƀuôn Ma Thuột; 3 khu mơdró kâ mê cho: Simexco Dak Lak; Kŏng ti tơlo liăn Damaca Nguyên Phương; Kŏng ti pêi cheăng tiô rơnó Nông Trại EDE hiăng rơtế kĭ tơkêa tơrŭm cheăng ƀă Kŏng ti tơlo liăn mơjiâng ƀă tê mơdró kế tơmeăm pêi lo ing chiâk deăng Hương Cao Nguyên ăm kế tơmeăm tê mơdró tung mâu siêu thĭ ối tung grup Central Retail Việt Nam, tung mê ai: siêu thĭ GO, mơni go! Ƀă  TopsMarket ƀă Lan Chi.

Katarina Nga tơplôu ƀă tơbleăng