VOV4.Xơ Đăng - Kơxê lơ 8/7, ai lối 20.400 ngế hok tro a Hô̆i đong tơ’noăng Dak Lak hiăng mơgêi môn tơ’noăng ki má mơ’nui dêi hneăng tơ’noăng râ má pái phôh thong hơnăm 2022. Hneăng tơ’noăng kố châ mơnhên tối cho tơniăn, kơtăng, tơdâng tơ’mô ƀă châ hên tơdroăng ki rơhêng ki kơvâ ngăn hnê hriâm ƀă hnê mơjiâng tuăn ngoâ rơkê pơkâ mơ’no.

Tối tơbleăng rĕng klêi kơ’nâi hneăng tơ’noăng mơgêi, pôa Phạm Đăng Khoa, kăn pơkuâ Khu ngăn hnê hriâm ƀă hnê mơjiâng tuăn ngoâ rơkê Dak Lak, kăn phŏ pơkuâ khu hnê mơhno râ kong pơlê hneăng tơ’noăng râ má pái phôh thong 2022 a Dak Lak ăm ‘nâi: Hơnăm kố ƀă tơdroăng ki pêi pro kơhnâ dêi khu xiâm pơkuâ tơdroăng kal kí, rêm râ kơvâ cheăng khu râ hiăng pêi pro tro hnoăng cheăng rế rak tơniăn gak kring rế tŏng kum tơdrêng ‘na liăn ngân, hiâm mơno ăm hok tro ƀă nôu, pâ mâu hok tro hmiân tuăn tơ’noăng.

Dak Lak: Mơgêi hneăng tơ'noăng râ má pái phôh thong hơnăm 2022

Kơxô̆ hok tro tơ’noăng mâu môn châ 99,55% tơngi klêng. Ko ƀai tơ’noăng ki hên mâu vâi o tối gá tro ƀă ivá tơná. Laga, tơdroăng ki khéa cho xuân ối ai 3 ngế hok tro pro xôi túa pơkâ xua djâ phôn râng kŏng mot tung lâm tơ’noăng.

Katarina Nga tơplôu ƀă tơbleăng