Pơtối mê, tâi tâng xo liăn ngân tơnêi têa tung kong pơlê Dak Lak hơnăm kố châ 7.770 rơtal liăn, bu ƀă 76,93% pơkâ pêi Hô̆i đông kong pơlê pơcháu. Pakĭng ki u ối dêi pơreăng kân COVID-19, tơdroăng lâp plâi tơnêi tơdjâk troh cheăng kâ, tơdroăng xo hnoăng liăn ngân dêi Dak Lak ối tro tơdjâk xua hên khu tê mơdró a kong pơlê trâm hên pá puât tung mơjiâng tê mơdró, tá mâu khu tê mơdró ai kơlo veăng tơlo kân ăm liăn ngân kong pơlê.

Pakĭng mê, tơdroăng pêi pro mâu troăng hơlâ tŏng kum ăm khu tê mơdró ƀă kuăn pơlê tro tơdjâk xua pơreăng COVID-19 môi tiah: ôh tá xo, kơdroh, pro pơhôi mâu tơdroăng xo hnoăng mơhá xuân tơdjâk troh pêi lo liăn dêi kong pơlê. Ki tơtrŏng má môi, kơxô̆ liăn kơdroh kân má môi dêi kong pơlê cho liăn xúa tơnêi, xúa kơchơ mơdró kơdroh hluâ kơlo tối hdrối.