Hơnăm 2023, Dak Lak kô kơhnâ xúa pơ’lêh kơxô̆ tung tơdroăng tối tơbleăng mâu tơdroăng cheăng, tơdroăng mơhnhôk pêi dêi mâu droh rơtăm. Mê cho, tơdroăng cheăng dêi Đoân Droh rơtăm kô tơmâng pêi troh tơdroăng ‘na măng xah hô̆i, kơmăi riân xo liăn ƀă điê̆n tưh, veăng pêi hên troh mâu tơdroăng ăm pơ’lêh liăn ƀă điê̆n tưh.  Tơdroăng cheăng pơxiâm pêi cheăng dêi mâu droh rơtăm rơxông nếo mê xuân pêi hên troh a tơdroăng po tiê ngăn ‘na ăm pơ’lêh liăn ƀă điê̆n tưh ƀă hlối veăng kơjo kum tung kơmăi OCOP.

Tung hơnăm hdrối kố nah, hơnăm ối nếo Dak Lak hiăng pêi vâ chê 2.500 tơmeăm khoăng, cho tơdroăng cheăng dêi khu droh rơtăm; mơjiâng 16 tơmeăm khoăng ‘’tâp trăng hnhâng troăng kơxái on tơhrik krâ pul on bâ eăng troăng pơlê’’, “tâp trăng hnhâng kơxái on tơhrik ăm bâ eăng troăng tơkăng kong’’, pro chât toă hngêi tuăn pâ, pro hrĭng kilomet troăng prôk tung thôn, hbru rơpâu kơxu tơmeăm ăm mâu kơtiê ƀă mâu ngế ai hnoăng tơnêi têa ki kơtiê.