Pêi tro tơdroăng tăng ‘nâi tuăn mơno vâi kơdrâi ing cheăm bêng vâ hbrâ tăng ‘nâi, tơbleăng pêi kô tơƀrê tơdroăng mơhnhôk. Kố cho môi tung mâu tơdroăng châ tơpui a rôh hôp tối ‘na ki tơná hiăng hlê hmâ pêi cheăng, tối ‘na troăng hơlâ pêi cheăng tăng ‘nâi mâu tơdroăng tuăn mơno dêi khu vâi kơdrâi a pơlê cheăm hơnăm 2025 tơkŭm kơxê hâi lơ 21/3 a kong pơlê Dak Lak. 5 hơnăm hdrối, rêm râ khu vâi kơdrâi a Dak Lak hiăng tơleăng mơnhên klêi lối 2.000 tơdroăng ki tơdjâk troh vâi kơdrâi, vâi hdrêng, pơtối rak ki ‘lo tro, po rơdâ tâ nếo túa pêi cheăng, kâu lak ƀô̆ pêi cheăng tơƀrê.

Ing mê, mơhnhôk vâi nâ o tăng ‘nâi plĕng mâu tơdroăng nêo ai ƀă tối tro tơdroăng tung pơlê pơla teăm tơdrêng, tro khât, veăng mơjiâng thôn pơlê, tôh kơphô̆ túa lĕm tro. A rôh hôp, kăn teăng mâ xuân tối mâu ƀâng mơ’no mâu tơdroăng vâ rĕng châ ‘nâi mâu tơdroăng nếo ai môi tah mâu tơdroăng ôh tá môi tuăn, tơhôu dêi rơpó lơ mâu tơdroăng ki pro chiâng oh tá tơniăn pơlê pơla. Ing mê, pâ thế tăng troh hơlâ vâ hbrâ mơdât, séa ngăn mơdât mâu tơdroăng ki tối oh tá tro, hmếo tơpui hêak  pro chiâng tơ’nhiê tơdjâk troh tơpui ‘mêi ƀă vâi kơdrâi.