A hneăng hôp, teăng mâ mâu tíu cheăng, kơvâ cheăng ki tơdjâk hiăng tối mâu tơdroăng châ tơƀrê ‘na tơdroăng droh rơtăm; tối tơdroăng ki tơ’lêi, pá puât, pơloăng mơnúa ƀă mơnhên troăng prôk la ngiâ mâu tơdroăng xiâm tung mơnhông hnê cheăng pêi vâ hnê mơjiâng mơngế pêi cheăng kum tơdrêng ăm pêt mơjiâng tơmeăm, tê mơdró ƀă tơdroăng mơdró tơxâng mâu pơkâ, tơxâng ƀă tíu pêi cheăng tung pơla mot tơrŭm cheăng kâ lâp plâi tơnêi ƀa pơhlêh xúa kŏng ngê̆.

Mơnhên kong pơlê đi đo mơhnhôk, pro tơ’lêi hlâu ăm droh rơtăm pơxiâm tăng cheăng pêi, mơjiâng cheăng pêi, veăng gum tung tơdroăng mơnhông dêi kong pơlê, jâ H’Yim Kđoh, Kăn phŏ hnê ngăn Vi ƀan kong pơlê Dak Lak pơkâ mâu khu râ kăn pơkuâ hnê ngăn cheăng Đảng, khu râ kăn pơkuâ kal thăm pêi pro tơdroăng tơpui tơdrêng ƀă đoân viên, droh rơtăm vâ teăm tơdrêng tơmâng xo mâu rơkong tơpui, pâ thế.

Ing mê, ai mâu troăng mơdêk tơdroăng hnê mơjiâng, mơjiâng mâu ngế hơnăm ối nếo pêi cheăng rơkê vâ ăm ai mơngế pêi cheăng ăm kong pơlê.