VOV4.Xơ Đăng - Hneăng tơ’noăng mơgêi hriâm râ má pái phôh thong dế vâ chê troh, kơvâ ngăn ‘na hnê hriâm ƀă hnê mơjiâng tuăn ngôa rơkê kong pơlê Dak Lak dế mơ-eăm xua môi hneăng tơ’noăng tơniăn, ƀă ôh tá ăm hok tro ki lâi xua kơtiê xơpá ôh tá châ tơ’noăng. Hơnăm kố, Dak Lak ai lối 20 rơpâu 400 ngế hok tro chêh inâi tơ’noăng, tung mê, ai lối 19.500 ngế hok tro dế hriâm lâm 12 Hngêi trung râ má pái phôh thong ƀă Hngêi trung Yăo yuk thường xuyên, ki u ối cho hok tro ki ôh tá plah tơ’noăng ing mâu hơnăm hdrối mê hiá nah.

Môi pôe hâi hriâm rơbot ƀai dêi hok tro lâm 12 Hngêi trung râ má pái Nguyẽn Bỉnh Khiêm, tơring Krông Pač , kong pơlê Dak Lak

Vâ hbrâ ăm hneăng tơ’noăng, kong pơlê kô tơkŭm po 32 tíu tơ’noăng ki khât ƀă 869 to veăng tơ’noăng a mâu hngêi trung râ má pái phôh thong tung kong pơlê 15 tơring, pơlê krâm, pơlê kong kơdrâm. Ing tơdroăng pơ’lêh ‘na rôh tơ’noăng hơnăm 2022 hiăng tơbleăng, Khu xiâm ngăn hnê hriâm ƀă hnê mơjiâng tuăn ngôa rơkê Dak Lak hiăng hnê mơhno ăm mâu ƀơrô ngăn hnê hriâm pơkâ tơdroăng pêi pro tung hơnăm hriâm tro tiô pơkâ, mơdoh hâi hnê rơbot ƀai ăm hok tro.

Pakĭng mê, tơrŭm ƀă mâu khu hnê hriâm tung ƀă pá gong hngêi trung vâ ai pơkâ mơ-eăm tŏng kum hok tro hriâm rơbot ƀai, malối mâu vâi o ki kơtiê xơpá.

Gương tơplôu ƀă tơbleăng