Klêi kơ’nâi ‘mot tơkŭm, kong pơlê Dak Lak ai ƀăng tơnêi lối 18.000 km2, pơ’leăng mâ mơngế cho 3.346.853 ngế. Pôa Nguyễn Đình Trung, Ngế cheăng tung xiâm Đảng châ pơkâ thế cho Kăn pơkuâ ngăn Đảng Dak Lak, pôa Tạ Anh Tuấn châ pơkâ thế pro kăn hnê ngăn kong pơlê Dak Lak. Diâp Pơkâ mơjiâng kong pơlê nếo ƀă tơpui hnê mơhno a rôh leh, pôa Lê Hoài Trung, Kăn pơkuâ hnê ngăn Đảng, Kăn pơkuâ Ƀơrô cheăng cheăng Đảng Tơnêi têa tối nhên: Ƀă khôi hmâ tơrŭm, khên tơnôu ƀă hiâm mơno pơhlêh nếo, tơmiât pêi rơkê, Đảng ƀô̆, khu kăn pơkuâ ƀă kuăn pơlê mâu hdroâng kuăn ngo kong pơlê Dak Lak rơtế ƀă tơdroăng pơkuâ rơkê, tơdroăng tŏng gum teăm tơdrêng dêi Tơnêi têa pin kô mơnhông ivá rơdêi, mơnhông mâu tơdroăng ki hiăng pêi pro klêi, krá rơdêi tơkâ luâ mâu tơdroăng xơpá, pơloăng.

 Mê mâu tơdroăng ki ai hlâu ƀă pơxúa dêi Dak Lak nếo kô châ pêi pro pơhlêh ƀă mâu hvêa prôk mơnhông rơdêi ăm Dak Lak mơ-eăm, chiâng mơnhông, ai hnoăng pơkuâ djâ a kơpong Tây Nguyên ƀă Kơpong kĭng têa kơxĭ Nam Trung Bộ.