Tơdroăng châ tơkŭm po a hngêi trung Phôh thong râ má pái Lê Quý Đôn, pơlê kong kơdrâm Ƀuôn Ma Thuột, mơhnhôk lối 1.600 ngế đoân viên ối tung khu ƀă hok tro tung kong pơlê veăng. Mâu vâi o châ ngăn tơdroăng pro pơro “Rơkong pâ pôi tá ‘nhó hiăng ôh tá teăm xếo” ƀă xo tíu ki roh tơleăng tơdroăng xôi Mơhnŏng ‘nêk pro chiâng tro rong.

Ing mê, hnê mơhno tơdroăng ki tơdjâk dêi mâu roh mơhnŏng ‘nêk pro chiâng tro rong ƀă ngế ki tro ‘nêk, nhŏng o ngế ki tro ‘nêk ƀă tá mâu tơdroăng tơdjâk ‘mêi troh dêi châ ƀă rơpŏng dêi mâu ngế ki pro xôi. Klêi kơ’nâi mơgêi roh pro pơro cho tơdroăng trâm mâ, kơ-êng ƀă hlối pơtâng tối luât. Tơdroăng xiâm pơtâng tối ing mâu rơkong kơ-êng, troăng vâ mơhno vâ hok tro, đoân viên, droh rơtăm tối troăng tơmiât dêi tơná ‘na tôu xiăn pâm tung hok tro, troăng tơleăng drêng châ hlo tơdroăng tôu pâm xiăn tung hok tro; hnoăng dêi rêm ngế krê, ki rơhêng vâ tối cho hok tro vâ mơdât ƀă hbrâ, mơdât tơdroăng tôu pâm xiăn tung hok tro.